პროფესიულ საქმიანობაში ხელისშეშლა და ფიზიკური ძალადობა – საია განცხადებას ავრცელებს

“საქართველოს ახალგაზრდა იურისტთა ასოციაცია” დღის განმავლობაში ჟურნალისტებისთვის ხელის შეშლის ფაქტებზე განცხადებას ავრცელებს.

ორგანიზაცია სამართალდამცავ ორგანოებს მოუწოდებს, დაიცვან ჟურნალისტების უსაფრთხოება და უზრუნველყონ მათ საქმიანობაში ჩარევისა და მედიის წარმომადგენლებზე თავდასხმის ფაქტების დაუყოვნებლივ გამოძიება

“მთელი დღის განმავლობაში საარჩევნო უბნებზე მობილიზებული ძალადობრივი ჯგუფებისა და საარჩევნო უბნის წევრების მხრიდან შეინიშნება აგრესია და მტრული გარემო მედიის წარმომადგენლების მისამართით. ადგილი ჰქონდა შეურაცხყოფის, პროფესიულ საქმიანობაში ხელშეშლისა და ფიზიკური ძალადობის ფაქტებს.

“ტვ პირველის” გადამღებ ჯგუფს თავს დაესხნენ თელავში, მარნეულსა და ვაზისუბანში.

ფიზიკურად გაუსწორდნენ CNews-ის ჟურნალისტს.

“მთავარი არხის” წარმომადგენლებს ხელი შეუშალეს მუშაობაში კახეთსა და ბათუმში.

გამოვლინდა “რადიო თავისუფლების” ჟურნალისტისთვის პროფესიულ

საქმიანობაში ხელშეშლის ფაქტი რუსთავში;

სიტყვიერი შეურაცხყოფა მიაყენეს და პროფესიულ საქმიანობაში ხელშეშლას ცდილობდნენ რადიო “მარნეულის”, “პუბლიკას”, “ფორმულასა” და “ტვ პირველის” ჟურნალისტებისთვის.

ჟურნალისტზე თავდასხმა პრესის თავისუფლების დარღვევაა და დემოკრატიულ საზოგადოებას მნიშვნელოვან საფრთხეს უქმნის.

მოვუწოდებთ სამართალდამცავ ორგანოებს, დაიცვან ჟურნალისტების უსაფრთხოება და უზრუნველყონ მათ საქმიანობაში ჩარევისა და მედიის წარმომადგენლებზე თავდასხმის ფაქტების დაუყოვნებლივ გამოძიება,” – წერია საიას განცხადებაში. 

გააზიარეთ და მოიწონეთ სტატია:

მსგავსი სტატიები:

ვაშაძე: ხალხის ნერვებზე თამაში ამ ქვეყანაში უნდა დავასრულოთ 41 წლის ოზურგეთელ მამაკაცს საზოგადოების დახმარება ესაჭიროება სარფში 52 000 კგ დაავადებული კარტოფილი ამოიღეს და ექსპორტიორ ქვეყანაში არჩილ თალაკვაძე – ერთგვარი ანომალიაა, როცა ოპოზიციას არ უნდა იყოს ოპოზიცია – სწორედ ამასთან გვაქვს საქმე ‘მე ვიქნები შენი გიდი რუსო-გაჩვენებ ყველა იმ ადამიანის საფლავს, სადაც თქვენი დაწყევლილი გენი და სისხლი გაერია და ამოხოცა ერის საამაყო ხალხი” განცხადებები, რაც ჩემზე კეთდება, მომართულია არა ჩემსკენ პერსონალურად, არამედ ამერიკელი ხალხისკენ და ამერიკის პრეზიდენტისკენ – დეგნანი ვინ უღალატა მიხეილ სააკაშვილს – ლიზა იასკო სკანდალურ განცხადებას აკეთებს გომელაურის მოსმენა პარლამენტში – შს მინისტრის გზავნილები და ხმაური სხდომაზე