უკრაინის საგარეო საქმეთა სამინისტრო საქართველოში საპარლამენტო არჩევნების შედეგებთან დაკავშირებით განცხადებას ავრცელებს.
“ჩვენ მხარს ვუჭერთ OSCE/ODIHR-ის საერთაშორისო მისიის დასკვნებს საქართველოში საპარლამენტო არჩევნებზე დაკვირვების შესახებ, რომელმაც დააფიქსირა მრავალი დარღვევა“,- ვკითხულობთ განცხადებაში.
უკრაინის საგარეო საქმეთა სამინისტრო საქართველოს მთავრობას მოუწოდებს, “არ გაჰყვეს ბელარუსის გზას.“
”უკრაინის საგარეო საქმეთა სამინისტროს კომენტარი საქართველოში საპარლამენტო არჩევნების შედეგებთან დაკავშირებით»
უკრაინა ყურადღებით ადევნებდა თვალს 2024 წლის 26 ოქტომბერს საქართველოში ჩატარებული საპარლამენტო არჩევნების მიმდინარეობას. ჩვენ მხარს ვუჭერთ OSCE/ODIHR-ის საერთაშორისო მისიის დასკვნებს საქართველოში საპარლამენტო არჩევნებზე დაკვირვების შესახებ, რომელმაც დააფიქსირა მრავალი დარღვევა.
მოსყიდვა, დაშინება, იძულება და ამომრჩევლებზე ზეწოლა, ხმის მიცემის გამჭვირვალობის არარსებობა, ოპოზიციური პარტიების მასმედიამდე წვდომის შეზღუდვა – ეს მხოლოდ იმ დარღვევების არასრული ჩამონათვალია, რითაც ამ არჩევნებმა თავი დაგვამახსოვრებინა. გასაკვირი არ არის, რომ ამ არჩევნების შედეგებმა რუსეთში დიდი მოწონება დაიმსახურა, რადგან სწორედ რუსული რეჟიმისთვის დამახასიათებელია ნების გამოვლენის შედეგებზე ზემოქმედების ასეთი მეთოდები. ამავე დროს, ისინი შეუთავსებელია საქართველოს ხელისუფლების მიერ გამოცხადებულ გზასთან ევროკავშირისა და ნატოსკენ. არჩევნების ლეგიტიმურობის უზრუნველსაყოფად და პოლიტიკური კრიზისის თავიდან აცილების მიზნით უნდა მოხდეს საერთაშორისო დამკვირვებლების მიერ დადგენილი ფაქტების გამოძიება. მოვუწოდებთ საქართველოს მთავრობას, არ გაჰყვეს ბელარუსის გზას“, – წერია განცხადებაში.
მსგავსი სტატიები:
“არ ვარგა ვინმეს მოტყუება, რომ კორონა ყველაზე უარესი პანდემიაა, არც თავის მოტყუება, რომ ,,კორონა არ არსებობს”
“გოგონა წითელ პალტოთში”- ნამდვილი ამბავი
“ნარკანის საჭიროება როცა დგება, ის ძალზე სწრაფად უნდა გამოიყენო”
“ამიერიდან აღარავინ გაბედოს და იკადროს..!”– თეა ადეიშვილი
ნოემბერში ფასები 12.5%-ით არის გაზრდილი
“არა აქვს მნიშვნელობა, რა იგულისხმა ანრი ოხანაშვილმა, მთავარია რა თქვა”
ერთი დირიჟორი ჰყავს ამ ამბავს – მამუკა მდინარაძე ოპოზიციის გადაწყვეტილებაზე
ოზურგეთის მუნიციპალიტეტის საკრებულოს სხდომაზე კვლავ ხმაური იყო