“ივანიშვილის საეჭვო გამარჯვებამ, შესაძლოა, საქართველო ავტორიტარიზმსა და რეპრესიებში ჩააგდოს”, – ამ სათაურით The Insider-ი ვრცელ სტატიას აქვეყნებს და საქართველოში ჩატარებულ საპარლამენტო არჩევნებზე წერს.
სტატიის ავტორი აღნიშნავს, რომ დასავლეთთან დაახლოების შეწყვეტა, ვლადიმერ პუტინთან ღია დაახლოებას ოლიგარქ, ბიძინა ივანიშვილისთვის სულ უფრო მაცდურ სცენარად აქცევს. ასევე, სტატიაში ორი კრიტიკული მედიის ფორმულასა და მთავარი არხის მიერ მომზადებული ეგზიტპოლებიც არის ნახსენები და ხაზგასმულია, რომ წინასწარი შედეგებით ოპოზიციამ გაიმარჯვა, თუმცა საარჩევნო უბნების დახურვის შემდეგ ცენტრალურმა საარჩევნო კომისიამ განსხვავებული შედეგები გამოაქვეყნა, რის შედეგადაც არჩევნებში მმართველმა, ქართულმა ოცნებამ მოიგო.
“ცესკომ გენერალურ პროკურატურას 26 ოქტომბრის საპარლამენტო არჩევნების, შესაძლო, გაყალბების გამოძიების თხოვნით მიმართა. ოპოზიციამ, რომელმაც არჩევნებამდე თბილისში მასშტაბური აქცია გამართა, ბიძინა ივანიშვილი და მისი პარტია მასობრივ ფალსიფიკაციაში დაადანაშაულა. ამ ბრალდებებს ეთანხმება ბევრი საერთაშორისო დამკვირვებელი, მათ შორის პრეზიდენტი სალომე ზურაბიშვილიც. ექსპერტების აზრით, თუ ივანიშვილი შეძლებს ძალაუფლების შენარჩუნებას, ოპოზიციას და სამოქალაქო საზოგადოებას, მათ შორის არასამთავრობო ორგანიზაციებსა და ლგბტქ+ აქტივისტებს, გარდაუვალი რეპრესიები ელით. დასავლეთთან დაახლოების შეწყვეტა, ვლადიმერ პუტინთან ღია დაახლოებას ივანიშვილისთვის სულ უფრო მაცდურ სცენარად აქცევს…
სოციოლოგების მონაცემებთან შეუსაბამობის გარდა, არჩევნების შედეგები საეჭვოა მრავალრიცხოვანი დარღვევების გამო, რომელიც დამკვირვებლებმა და ჟურნალისტებმა ხმის მიცემის დროს დააფიქსირეს. ამაზე მათ შორის ისაუბრა ეუთოს მისიის ხელმძღვანელმა პასკალ ალიზარდმა, რომელმაც განაცხადა, რომ დაფიქსირდა იძულების მრავალრიცხოვანი ფაქტები, ასევე იყო დაშინება და ხმის ფარულობის დარღვევები. მმართველი პარტიის წარმომადგენლები დააფიქსირეს ხმის მიცემის დროს, როცა მოქალაქე ხმას აძლევდა. დამკვირვებლები გაჰყავდათ საარჩევნო უბნებიდან, მათ თავს ესხმოდნენ პროსახელისუფლებო “აქტივისტები”. რამდენიმე საარჩევნო უბანზე დამკვირვებლებმა დააფიქსირეს “კარუსელი” და ასევე ერთ ამომრჩეველზე ერთზე მეტი ბიულეტენის გაცემის ფაქტი. გარდა ამისა, მედიები იტყობინებოდნენ ძალადობის ფაქტების შესახებ უშუალოდ არჩევნების დღეს: თავდასხმები ოპოზიციაზე, დამკვირვებლებზე და ჩხუბი წამქეზებელთა მონაწილეობით, სავარაუდოდ, ქართული ოცნების ინტერესებიდან გამომდინარე…
მიუხედავად იმისა, რომ ქართველებს გაცხადებული აქვთ დასავლეთისკენ სვლა, პრემიერმინისტრის ირაკლი კობახიძის დაპირება აშშ-სთან და ევროკავშირთან ურთიერთობების “გადატვირთვა”, სავარაუდოდ, არ შესრულდება. ამის მაგივრად, ქართული ოცნების გამარჯვება დიდი ალბათობით უფრო მეტად გაართულებს ურთიერთობას ვაშინგტონთან და ბრიუსელთან… კრემლი მიესალმება, იმას, რომ ივანიშვილი უფრო მეტად აღრმავებს ქართული ოცნების პრორუსულ მიმართულებას, რაზეც მოსკოვიდან წამოსული პოზიტიური კომენტარები მეტყველებს, რომლებიც არჩევნებს ეხება”, – წერს The Insider-ი.
მსგავსი სტატიები:
წესები, რომელიც სწრაფი გადახდის აპარატიდან გადარიცხვისას სავალდებულო გახდა
Bloomberg – მსოფლიოში ვაქცინების 781 მილიონამდე დოზაა გამოყენებული
“ცხრა ტყავში ამოძვერი და ეცადე ნენა ტერი არ გეიჩინო” – წერილი შვილიშვილს
ოქროს ექსპორტი შემცირდა – სად ვყიდით ძვირფას ლითონს?
რამაზ დავლაძე: “გავიღვიძებ ვტირი, დავიძინებ ვტირი. ესაა ჩემი ყოველდღიური ცხოვრება“
უკრაინაში რუსი პოლკოვნიკი ალექსეი შაროვი მოკლეს
“მე მივმართავ მათ, ვინც საქართველოშია, უმკლავდებიან იმ უბედურებას, რაც ეხლა ქვეყანაში ტრიალებს…ვაგლახ, რომ ცოტანი ხართ…მიიღეთ ჩემგან ჩემი თქვენდამი სიყვარული, პატივისცემა, სიამაყე…მე სხვა არაფერი შემიძლია”-დოდონა კიზირია
რას შეიძლება ნიშნავდეს გურიის დროშაზე გამოსახული ნიშნები