9 აპრილის წლისთავზე აიღეს ყვავილები, ყვავილებში იყო მომწამლავი ნივთიერების გარკვეული რაოდენობა დარჩენილი. „9 აპრილს მოწამლულები“ – ასეთი ტერმინიც კი არსებობს. მაშინ სერიოზული კვლევები ჩატარდა და საბოლოოდ დაიდო დასკვნა, რომ ძალიან მძიმე გაზები იყო გამოყენებული – ამის შესახებ “ბათუმელებთან” ექიმი ნარკოლოგი, ზურაბ სიხარულიძე BBC-ის სკანდალური გამოძიების შემდეგ საუბრობს.
მისი თქმით, თუ BBC-ის ფილმში “კამიტესტთან” ერთად დასახელებული ნივთიერება, ტრიქლორეთილენი, ნიადაგის სიღრმეში, წყლებში დიდი ანი რჩება და მისი აღმოჩენა შესაძლებელია ერთი წლის შემდეგაც.
ამისთვის საჭიროა ძალიან სკრუპულოზური ქიმიო-ტოქსიკოლოგიური ანალიზი – ამბობს ექიმი.
,,მნიშვნელოვანია ბევრი ადამიანის სპეციფიკური გამოკითხვა და კვლევების ჩატარება. ჩემთვის BBC საკმაოდ კომპეტენტურია და არა მგონია, არ ჰქონოდათ საკმარისი მტკიცებულებები. თანაც, კომპეტენტური ადამიანები, ტოქსიკოლოგები საუბრობენ ამ ფილმში.
თუ გამოყენებული იყო ტრიქლორეთილენი, მისი აღმოჩენა შესაძლებელია ერთი წლის შემდეგაც, მაგალითად, ნიადაგის სიღრმეში, წყლებში. ამისთვის საჭიროა ძალიან სკრუპულოზური ქიმიო-ტოქსიკოლოგიური ანალიზი.
რაც შეეხება კვალს ადამიანზე – ეს არის ძალიან ღრმა ქიმიო-ტოქსიკოლოგიური ანალიზის კვლევა. აქ უნდა ვისაუბროთ ამ ნივთიერებების წყლის ჭავლში გარევასთან და რა კომბინაციებს ვიღებთ ამ შემთხვევაში. ის ბევრად უფრო ტოქსიკურ ზიანს აყენებს ადამიანს, ვიდრე წყალთან კომბინაციის გარეშე, რადგან წყლის მაღალი წნევა მნიშვნელოვნად აძლიერებს ტოქსიკურობის ეფექტს – ტოქსინი შედის ღრმა ფენებში, თვალებში, ლორწოვან გარსებში. ამას შეუძლია მასობრივი ინტოქსიკაცია გამოიწვიოს. ეს იყო კიდეც იმ პერიოდში და ამის მომსწრე ყველანი ვართ.
ადამიანებს უჭირდათ სუნთქვა რამდენიმე დღის მანძილზე, ჰქონდათ გულისრევის შეგრძნება, პანიკური შეტევები, სუნთქვის გაძნელება”, – ამბობს ექიმი.
მსგავსი სტატიები:
დაინფიცირდა 2904, გარდაიცვალა 53, გამოჯანმრთელდა 4316 პაციენტი – 19 დეკემბრის მონაცემები
გურიის რეგიონში, დასუფთავების მასშტაბური აქცია მოეწყო
წამებასთან გათანაბრებული მოპყრობაა, ასე იქცეოდნენ ფაშისტები – ჯიშკარიანი
ერთ წელიწადში ღარიბი მოსახლეობის რაოდენობა 22,6%-ით გაიზარდა – რამდენი ადამიანი იღებს შემწეობას
ნიკა გვარამიას საქმის მოსამართლის პირველი კომენტარი განაჩენის შემდეგ – რას ამბობს ჩხიკვაძე
”3 წუთში გვითხრეს, რომ ჩვენი შვილების უსაფრთხოება მკვლელების, ყაჩაღების, კორუმპირებულების ხელშია”
საქართველოს ხელისუფლება უახლოვდება ყველა იმ ქვეყანას, სადაც ავტორიტარული რეჟიმია – გამზარდია
“რუსეთის წიაღიდან წამოსული მილიარდერი” – ირაკლი რუხაძის საქმიანობა საერთაშორისო გამოცემა “მედუზას” ობიექტივში მოხვდა
