“ბევრი მასწავლებელი ბანკმა დააჯარიმა პროცენტის დაგვიანების გამო, რა გვჭირს ის მაინც გვითხრან” – აღნიშნავენ “გურიის მოამბესთან” საბავშვო ბაღების წარმომადგენლები, რომლებიც ათ დღეზე მეტია კუთვნილ ხელფასს ელოდებიან და პასუხიც არა აქვთ თუ როდის მოხდება სახელფასო დავალიანების დაფარვა.
“ძალიან ცუდ დღეში ჩავარდა საბავშვო ბაღის თანამშრომლები. არ არის ხელფასი … ბანკებმა დააჯარიმა უმრავლესობა. ისიც გავიგეთ, გუშინ სხვა აიპებს დაურიგდათ ხელფასები და ბაღები… ყველაზე რთულ სიტუაციაში ვიმყოფებით მუშაობის მხრივ… კი ბატონო, აქამდე ვიღებდით უპრობლემოდ, მაგრამ … იქნებ დაასახელონ თარიღი როდის მოგვცემენ”-გვითხრა ერთ-ერთი ბაღის მენეჯერმა.
თუ რა გახდა სკოლამდელ დაწესებულებებში ხელფასების დაგვიანების მიზეზი და კიდევ რამდენი ხანი მოუწევს პერსონალს ლოდინი, ამ კითხვით ბაღების გაერთიანების ხელმძღვანელს, მაკა ჭყონიას მივმართეთ.
როგორც ჭყონია ჩვენთან საუბარში აღნიშნავს, მას ამ ეტაპზე ზუსტი თარიღის დასახელება არ შეუძლია:
“გამიჭირდება ზუსტი თარიღის თქმა, შეიძლება ხვალაც დაირიცხოს ხელფასები” – გვითხრა მაკა ჭყონიამ,
ბიუჯეტში არსებულ ფინანსურ პრობლემებს გვიდასტურებენ მერიის საფინანსო- საბიუჯეტო სამსახურშიც:
“პანდემიის პირობებში, ადგილობრივი ბიუჯეტის შემოსავლები მნიშვნელოვნად შემცირდა, რამაც გამოიწვია ეს შეფერხება, მთავრობის განკარგულებით დამატებითი თანხა გამოეყო ოზურგეთის მუნიციპალიტეტს და ხვალ ჩაერიცხებათ ხელფასები საბავშვო ბაღების თანამშრომლებს” – გვითხრეს მერიაში.
ცნობისთვის, საბავშვო ბაღებში ხელფასების გაცემა ყოველი თვის 21 რიცხვში ხდება, ისევე როგორც თითქმის აიპების უმრავლესობაში. ამ ეტაპზე, როგორც ჩვენთვისაა ცნობილი, ხელფასები მხოლოდ საბავშვო ბაღების პერსონალისთვის არ დაურიგებიათ, არაოფიციალურ მიზეზად კი, ხაზინაში თანხის არ არსებობა სახელდება.
გააზიარეთ და მოიწონეთ სტატია:
მსგავსი სტატიები:
“ვარჯიში არ შედგა, 6 ფეხბურთელი მივიდა მხოლოდ”-რა ხდება ოზურგეთის “მერცხალში”?
“გურიაში სახალხო განათლება უფრო მაღალ დონეზეა ვიდრე სხვაგან”
ვინ არის მამაკაცი რომელიც წუხელ ლანჩხუთში ავტოსაგზაო შემთხვევას ემსხვერპლა
7 სოფელს მესამე დღეა შუქი არ მიეწოდება- რა მდგომარეობაა ამ დროისთვის ოზურგეთში?
კორონავირუსით გარდაცვლილი ლანჩხუთელი ექიმის შვილმა, სავარაუდოდ თავი მოიკლა
ანსამბლი “რეხეული” ესპანელი რეჟისორის ფილმში მოხვდა
“მე და ქალბატონმა ციურიმ გადავწყვიტეთ გურიაში დავაარსოთ ხანდაზმულთა შეხვედრისა და გართობის ცენტრი – ,,კუნხურეხა”-კეკელიძე
“ბაბუაჩემიც ყოფილა, მარა სახლში არ გამოუვლია” – მიცვალებულები, რომლებიც არჩევნებზე დადიან