25 მარტს ჟენევაში რუსეთის საგარეო საქმეთა მინისტრის მოადგილე ანდრეი რუდენკომ საქართველოს NATO-სა და ევროკავშირში ინტეგრაციის შესახებ კომენტარი გააკეთა.
“მიგვაჩნია, რომ საქართველოს ევროკავშირისა და NATO-ს წევრობის მისწრაფება გაუმართლებელი გადაწყვეტილებაა. ეს რეგიონში მეტ ესკალაციას, დაძაბულობასა და გაურკვევლობას მოიტანს”. – თქვა რუდენკომ.
ასევე მან კომენტარი გააკეთა იმის შესახებ, რომ საქართველო 2024 წლისთვის ევროკავშირში შესვლის განაცხადის შეტანას აპირებს და კვლავ მიისწრაფის NATO-სკენ.
“ვიცით, როგორც განვითარდა მოვლენები 2008 წელს, როდესაც ბუქარესტის სამიტზე საქართველომ და უკრაინამ NATO-ში შესაძლო გაწევრიანების სიგნალები მიიღეს. ჩვენ გვჯერა, რომ სააკაშვილმა ეს აღიქვა, როგორც კარტ-ბლანში ძალისმიერი მოქმედებებისთვის. ყველამ ვიცით, ეს როგორ დასრულდა და კიდევ ვმუშაობთ ამაზე. ვიმეორებ, ევროპისა და NATO-სკენ მისწრაფება გაუმართლებელი და არასაჭირო არჩევანია. ქართველმა პოლიტიკოსებმა უნდა გადაწყვიტონ, თუ რა სურთ, სტაბილური პროგნოზირებადი სიტუაცია თუ გაურკვევლობის წინაშე ყოფნა, თუკი საქართველო NATO-ს შეუერთდება”. – თქვა რუდენკომ.
მსგავსი სტატიები:
დღეიდან სკოლაში ონლაინ სწავლების მსურველთა რეგისტრაცია იწყება
მელია: იმედია, გავრილოვები მორიგ სიგიჟეს არ ჩაიდენენ
ჩვენ ნიკა მელიას გადავეფარებით- შალვა ნათელაშვილი
“ვინც მცირე ჰესებს “აპრავებთ…ვინც ვერ ხვდებით…”
ვიმოძრაოთ რიგგარეშე არჩევნებამდე – მარგველაშვილი
რატომ დაუპირისპირდნენ ერთმანეთს ოზურგეთის საკრებულოს დეპუტატი და სამოქალაქო აქტივისტი
“გადაიფურცლა ეს გვერდი, მივდივართ წინ” – ნიკა მელია პარლამენტში მივიდა
“ბაჩალიაშვილის საქმის “წარმოუდგენელი განვითარება” “მთავარ აქცენტებში” გაგრძელდება”