ისრაელის სახელმწიფოსა და საქართველოს მთავრობას შორის დადებული შეთანხმების თანახმად, საქართველოს მოქალაქეები ისრაელში ლეგალურად დასაქმებას შეძლებენ. შრომის, ჯანმრთელობისა და სოციალური დაცვის სამინისტროს ცნობით, რეგისტრაცია 12 აპრილიდან იწყება და მთელი წლის განმავლობაში გაგრძელდება. სამუშაოს მაძიებელი პირველად რეგისტრაციას ჯანდაცვის სპეციალურ სარეგისტრაციო პორტალზეგაივლის.
ისრაელის შრომის ბაზარზე საქართველოს მოქალაქეებს დროებითი ლეგალური დასაქმება ერთი წლით შეეძლებათ. დასაქმება ხანგრძლივი მოვლის დაწესებულებებში დამხმარე მუშაკის პოზიციაზეა შესაძლებელი.
“ეს არის შესანიშნავი შესაძლებლობა 1000-მდე ქართველისთვის, ჩამოვიდეს და იმუშაოს ისრაელში. აღნიშნული წარმოადგენს ისრაელში საქმიანობის შედარებით ახალ მიმართულებას და ჩვენ განსაკუთრებულად დიდი სიფრთხილით მივუდექით იმ საკითხს, თუ რომელი ქვეყნებისთვის, რომელი მთავრობებისთვის მიგვემართა. ამ ეტაპისთვის შერჩეულია მხოლოდ ორი ქვეყანა, მათ შორის ერთ-ერთი არის საქართველო“, – განაცხადა ისრაელის ელჩმა საქართველოში რან გიდორიმ, შრომის, ჯანმრთელობისა და სოციალური დაცვის სამინისტროს ცნობით.
“დღეს კიდევ ერთი ნაბიჯი გადაიდგა იმისათვის რომ საქართველოს მოქალაქეებს სხვადასხვა განვითარებულ ქვეყანაში ჰქონდეთ ლეგალურად მუშაობის შესაძლებლობა და საშუალება. ჩვენ ისრაელთან ხელმოწერილი ხელშეკრულების განხორციელებას ვიწყებთ ორშაბათიდან, რომლის ფარგლებშიც შინ მოვლის სპეციალისტებს ექნებათ საშუალება ისრაელში დასაქმდნენ ერთი წლის განმავლობაში შესაბამისი ანაზღაურებით“, – აღნიშნა მინისტრის მოადგილემ თამარ ბარკალაიამ.
მსგავსი სტატიები:
ჰანს კლუგე – გვირაბის ბოლოს სინათლე შეინიშნება, რადგან უკვე არსებობს იმედი ვაქცინის მიღებაზე, მაგრამ ამას მაინც დასჭირდება დრო
ტაქსით მგზავრობისას რაოდენობაზე დაწესებული შეზღუდვა მოიხსნა
“მოჩქარეს მოუგვიანდესო” – რას ამბობს გამყრელიძე კომენდატის საათის გადაწევაზე
ლარი მნიშვნელოვნად გამყარდა
“ალბათ, კახისაც იქ ნახავ, იმ არსებულ, თუ არარსებულ თეატრში” – მერაბ ნინიძის ემოციური გამომშვიდობება მარი ჯანაშიასთან
ინდოეთში ციხიდან გათავისუფლებული პატიმრები კორონავირუსის შიშით ციხის დატოვებაზე უარს აცხადებენ
„ელის მარია ერთი წლისაა“ – სოფო ნიჟარაძემ შვილის ახალი ფოტოები გამოაქვეყნა
„გვიწევს პაციენტების გადარჩევა…“ – მარინა ენდელაძე