„ქართული ოცნების“ თავმჯდომარის, ირაკლი კობახიძის ვიზიტი ამერიკის შეერთებულ შტატებში გრძელდება.
როგორც „ინტერპრესნიუსს“ „ქართული ოცნების“ პრესსამსახურიდან აცნობეს, მმართველი პარტიის თავმჯდომარე, პარტიის საერთაშორისო მდივან კახა კუჭავასთან და პარლამენტის ფრაქცია „ქართული ოცნების“ თავმჯდომარის მოადგილე ირაკლი ჩიქოვანთან ერთად სენტორებს ჯინ შაჰინს და რონ ჯონსონს შეხვდა.
„ირაკლი კობახიძემ სენატორებს დეტალური ინფორმაცია მიაწოდა რეგიონში და კონკრეტულად საქართველოში მიმდინარე პოლიტიკური პროცესების შესახებ და ამ მიმართულებით მათი რეკომენდაციები და მოსაზრებები მოისმინა. განსაკუთრებული ყურადღება გამახვილდა დიალოგის პროცესზე. საერთაშორისო პარტნიორებმა გამოთქვეს სურვილი, იხილონ ოპოზიცია პარლამენტში, ხოლო მმართველმა პარტიამ გადადგას ქმედითი ნაბიჯები შემდგომი რეფორმების უზრუნველსაყოფად. შეერთებულ შტატებში ვიზიტის ფარგლებში, ქართული დელეგაცია სენატორ ჯეიმს რიშს, სახელმწიფო დეპარტამენტისა და თეთრი სახლის წარმომადგენლებს, ჯორჯ კენტს და კრის სმიტს, კონგრესმენებს, საქართველოს მეგობრობის ჯგუფის ხელმძღვანელებს, ადამ კინზინგერს და ჯერი კონოლის შეხვდა. შეერთებულ შტატებში ქართული დელეგაციის ვიზიტი 16 აპრილს დასრულდება“, – აღნიშნულია პარტიის მიერ გავრცელებულ ინფორმაციაში.
მსგავსი სტატიები:
“ონლაინ სწავლა არის ფსკერი!- ესენი კი ქვეყანას ხრავენ”
რას მოუტანს საქართველოს სტარასბურგის გადაწყვეტილება- ლია მუხაშავრიას განმარტება
“ერთი კვირა გვაქვს დარჩენილი რუბიკონის გადალახვამდე”- ხუხაშვილი
“მშობლებმა არ იციან, ინტერნეტი შეუძინონ შვილებს თუ საკვები”- ლადო აფხაზავა
“საერთოდ, ამ ქვეყანაში დარჩენის აზრსაც ვეღარ ვხედავ”…
“რა მოლაპარაკებებს შეიძლება ველოდოთ!დადგება მათი დროც”
ოკუპირებული ტერიტორიებიდან გადმომსვლელებისთვის 5-დღიანი კარანტინი გაუქმდა
“საქართველოში სამუშაოს ნაკლებობა არ არის” – ქადაგიშვილი