სიდნეის მცხოვრებთ დიდწილად აეკრძალათ ქალაქიდან გასვლა, იმ ფონზე, როცა ავსტრალიის ხელისუფლება ცდილობს შეაკავოს კორონავირუსის ახალი, გადადების მაღალი მაჩვენებლის მქონე “დელტა” ვარიანტის გავრცელება.
დედაქალაქ ველინგტონში COVID-19-ის საწინააღმდეგო ზომები გაამკაცრა ახალმა ზელანდიამაც, იმ შეშფოთების ფონზე, რომ ავსტრალიელმა ტურისტმა შესაძლოა მოსახლეობის ვირუსის “დელტა” ვარიანტით ინფიცირება გამოიწვია.
სიდნეიში 30-ზე მეტ პირს დაუსვეს COVID-19-ის დიაგნოზი მას შემდეგ, რაც ქალაქში გასულ კვირაში გამოჩნდა ვირუსის “დელტა” ვარიანტი – რომელიც პირველად ინდოეთში იქნა აღმოჩენილი. ახალი შეზღუდვები ითვალისწინებს დაუყოვნებელ აკრძალვას ქალაქიდან არააუცილებელი მიზნით გასვლაზე და საზოგადოებრივი თავშეყრის შეზღუდვებს.
ავსტრალია და ახალი ზელანდია, რომლებიც წელს ერთმანეთთან კარანტინის გარეშე მოგზაურობაზე შეთანხმდნენ, კორონავირუსის გავრცელებასთან ბრძოლაში მსოფლიოს წარმატებულ ქვეყნებს შორის არიან, თუმცა ვაქცინაცია ამ ქვეყნებში ნელი ტემპით მიმდინარეობს. 25 მილიონი მოსახლის მქონე ავსტრალიაში ჯერჯერობით მხოლოდ 6,7 მილიონამდე მოქალაქეა აცრილი, 5 მილიონი მოსახლის მქონე ახალ ზელანდიაში კი ვაქცინის პირველი დოზა მოქალაქეთა 13 პროცენტს გაუკეთდა.
https://www.radiotavisupleba.ge/
მსგავსი სტატიები:
მარხვის დღეებთან დაკავშირებით საპატრიარქო განცხადებას ავრცელებს
დაიწყება თუ არა სექტემბრიდან სკოლებში დიფერენცირებული სწავლება?
საქართველოში მშენებლობის თვითღირებულება გაძვირდა
ჯანმო მოსახლეობას აფრთხილებს
“გურული მანდილოსანი ზარმაცია ოჯახში”…
აჭარასა და გურიაში 4 პირი მართვის მოწმობის ასაღებად საჭირო ყალბ დოკუმენტებს ამზადებდა
“პარლამენტარო, პარლამენტარო და კიდევ ერთხელ პარლამენტაროო” !
“ნუ არწმუნებ თავს, რომ არ გამოგივა… მეტი მონდომება და უკვე მიზანთან ხარ!..”