“ქოცური ხელისუფლების დღეები დათვლილია, ვამაყობთ თქვენით” – ამ სიტყვებით მიმართავს საქართველოს მესამე პრეზიდენტი მიხეილ სააკაშვილი მოქალაქეებს რუსთავის მე-12 სასჯელაღსრულების დაწესებულებიდან.
მიხეილ სააკაშვილის მიმართვა ჟურნალისტებს მისმა ადვოკატმა, დიტო საძაგლიშვილმა წაუკითხა:
“ძალიან მაგარი შედეგები გვაქვს ამ ბოლო რეფერენდუმზე. ადგილობრივ არჩევნებში ეს მთავრობა ყოველთვის იგებდა უმარტივესად, ზედმეტი დაძაბვაც არ სჭირდებოდათ ხოლმე. ახლა, როცა ეგონათ, რომ საბოლოოდ გატეხეს ხალხი, ყველა დიდ ქალაქში არის მეორე ტური, აქედან რამდენიმეში წინ არის ნაციონალური მოძრაობა. ეს ნიშნავს მხოლოდ ერთს – არათუ მხოლოდ არ მოვდუნდით, არამედ კიდევ უფრო მეტად ვიბრძოლეთ. ქოცური ხელისუფლების დღეები დათვლილია. ვამაყობ თქვენით”, – ნათქვამია მიხეილ სააკაშვილის მიმართვაში.
აღსანიშნავია, რომ დაკავების შემდეგ მიხეილ სააკაშვილის მონახულება მისმა უფლებადამცველებმა დღეს პირველად შეძლეს. ამ დრომდე ციხის ადმინისტრაციაში ადვოკატებს შეხვედრაზე უარს ეუბნებოდნენ და მიზეზად არასამუშაო დღეებს ასახელებდნენ.
შეგახსენებთ, მრავალწლიანი პოლიტიკური დევნილობის შემდეგ, მიხეილ სააკაშვილი რამდენიმე დღის წინ დაბრუნდა სამშობლოში, მიუხედავად მისი დაპატიმრების მუქარისა. ქვეყნის მესამე პრეზიდენტი პოლიციამ 1 ოქტომბერს, თბილისში დააკავა.
მსგავსი სტატიები:
პიკი იქნება ნოემბრის ბოლოს- ამირან გამყრელიძე
20 აპრილს შარლ მიშელი საქართველოში ჩამოვა
“შემოდგომაზე რეფერენდუმი იქნება, ამ რეფერენდუმის წინ წინასწარ ჩამოვალ საქართველოში”
ორნიშნა ეკონომიკურ ზრდას რომ ველოდებით პირველი ციფრი ერთიანი იქნება თუ ორიანი?- სუბარის შეკითხვა
“ჩვენ უნდა ჩავასვენოთ ღარიბაშვილის მზე და მხოლოდ ამის შემდეგ შეგვიძლია ამობრწყინდეს ლექსოს მზე”
“დეტალებში ვერაფერს ვერ ვიტყვი..იმედს დავიტოვებ, რომ რაღაც წინა საარჩევნო ტრიუკთან არ გვაქვს ადგილი”-ნიკა გვარამია
მიხეილ სააკაშვილი საქართველოში არაა…ნეტა ყოფილიყო – კობახიძე
“ბიძინაობაშიც მოგვატყუეს…ან იქნებ,მცოცავი თარიღის დღესასწაულია და ისე მიცოცდა ბიძინა ჩოლოყაშვილის საქართველოდან ბიძინა ივანიშვილის საქართველომდე?”