“უკვე მერამდენედ, საქართველოს გათავისუფლება სამეგრელოდან იწყება” – ასე მიმართავს საქართველოს მესამე პრეზიდენტი მიხეილ სააკაშვილი მეგრელებს. მისი განცხადება ზუგდიდში მიმდინარე აქცია-პრეზენტაციაზე მაია კალანდიამ წაიკითხა.
მიმართვას უცვლელად გთავაზობთ:
“როდესაც დავბრუნდი საქართველოში, პირველად ჩემს დედულეთში, ჩემი დედულეთის, ჩემი სამარგალოს ჰაერი ჩავისუნთქე. ეს იყო ნისლიანი ჰაერი პალიასტომის ტბისა, ჰაერი ჯადოსნურად ლურჯი ტობა ვარჩხილის, ჰაერი მაცოცხლებელი ლუგელასი, ჰაერი ხიბულასი, რომელმაც გულში ჩაიკრა ჩვენი პირველი პრეზიდენტი. ჰაერი გოროზი ნოქალაქევის, ჰაერი დიდი კონსტანტინეს პატარა აბაშის და რა თქმა უნდა, ჰაერი ჩემი საყვარელი ანაკლიის და ლეგენდარული რუხის ციხის. ჰაერი იმ მხარის, სადაც ყოველი კუთხე-კუნჭული ფეხით ბევრჯერ მაქვს შემოვლილი.
თავისუფლების ეს ჰაერი ჩემი ციხის დაბურულ ფანჯარაშიც კი აღწევს. ის მოქრის ჩემი საყვარელი ჩელას მხარიდან, ყოველთვის მაოცებდა ამ მხარის უძველესი კოლხეთის და მისი ხალხის სილამაზე და სიმამაცე. და უკვე მერამდენედ, საქართველოს გათავისუფლება სამეგრელოდან იწყება.
იცით ამ ჰაერს კიდევ რა ჰქვია?! ეს თავისუფლების ჰაერია. ზუსტად ვიცი, რომ თქვენ იქნებით იმ კოლონის სათავეში, რომელიც სრულიად საქართველოს გაათავისუფლებს და გამათავისუფლებს მეც. კანონზომიერია, რომ პირველებმა სწორედ თქვენ ჩაუშალეთ ამ მოძალადე მთავრობას მცდელობა მხედრიონის ტიპის სადამსჯელო ოპერაცია ჩაეტარებინა სამეგრელოში. პირველებმა თქვენმა პოლიციელებმა ამოიღეს ხმა.
მე ვარ პუტინის პირადი პატიმარი, ვინაიდან მინდოდა ლაზიკა, მინდოდა მდიდარი საქართველო, მინდოდა, მომეცა თქვენთვის წარმატება და მომავალი. ლაზიკა აუცილებლად აშენდება. ჩემი ოცნების ქალაქი როგორც ზუგდიდის გაგრძელება, რაც პირეოსია ათენისთვის, როგორც დუბაი და სინგაპური, საქართველოა კავკასიის და მთელი შავიზღვისპირეთისთვის რეგიონის მთავარი ცენტრი, სადაც მინიმალური ხელფასი იქნება 1000 დოლარი.
მე თქვენებური ვარ და როდესაც საკუთარი ნებით შევდიოდი პუტინის და ივანიშვილის ციხეში, კარგად მახსოვდა, რომ ჩვენ ცოტნე დადიანის შთამომავლები ვართ და ცოტნე დადიანის სისხლი გვიდუღს ძარღვებში. გეხვევით ყველას, მიყვარხართ. ძალიან მალე შეხვედრამდე გამარჯვებულ საქართველოს დედაქალაქში, აბა ულა!” – წერს მიხეილ სააკაშვილი
მსგავსი სტატიები:
“ავანტიურისტი შულერი, “ოცნების მზე”, რომელმაც ყველა გადააგდო”- გიორგი თარგამაძე ივანიშვილზე
“ივანიშვილის მმართველობის 8 წლიან ეპოქაში ბიუჯეტიდან 100 მილიარდზე მეტი დაიხარჯა”
“გელათში კვლავ კატასტროფაა, ქარმა დროებითი სახურავი ახადა და წყალი და თოვლი ჩადის… ”
ჯო ბაიდენმა პირველ სამუშაო დღეს 15 ბრძანებას მოაწერა ხელი
“მე ჩემს თავთანაც ძალიან ცინიკოსი ვარ…”
ნიკა მელიას სასამართლო პროცესი 13 აპრილს გაიმართება
“აუცილებლად თვალები უნდა დასთხარო ხალხს, რომ ტელევიზიებმა უწყვეტი ჩართვები გიკეთონ” – ნათელაშვილი
“მართლა კულულები აქვს დასახევი კობახიძეს…ესენი ლაპარაკობენ ვინმეს მიმართ ძალადობაზე? “-ხაბეიშილი