ამერიკის შეერთებულ შტატებში მოღვაწე ქართველი ექიმი ზურაბ გურული, მიხეილ სააკაშვილთან დაკავშირებით სახალხო დამცველის მიერ შექმნილი ექსპერტთა ჯგუფის დასკვნას ეხმაურება.
ის იმედს გამოთქვამს, რომ ამ დასკვნის გაცნობის შემდეგ, ექიმები, რომლებიც ხელისუფლებამ გლდანის ციხის საავადმყოფოში მიავლინა, გააცნობიერებენ, რამდენად მცდარია მათი კლინიკური ლოგისტიკა.
“იმედია გლდანის ციხის საავადმყოფოში მთავრობის მიერ გადასროლილი სამედიცინო დესანტი ომბუდსმენის კომისიის დასკვნების გაცნობის შემდეგ გააცნობიერებს, რომ მათი კლინიკური ლოგისტიკა კატასტროფულად მცდარია.
ზუსტად იგივე შეცდომას უშვებენ ბევრ ქართულ კლინიკაში კოვიდის მენეჯმენტის დროს. არ ცდილობენ პროაქტიული ჩარევით პრევენციულად აღკვეთონ სიტუაციის დამძიმება და ციტოკინური შტორმისაგან უკვე განადგურებული ფილტვებით ცდილობენ რეანიმაციაში უშედეგო ბრძოლას.
ციხეში რეანიმაციის მორიგე ბრიგადა აბსოლუტურად უსარგებლოა, თუ წინასწარ, დინამიკაში არ იცის თავიანთი პაციენტის ყველა ლაბორატორიული პარამეტრი და დიაგნოზი.
კლასიკურ, გამართულ კლინიკაში, პალატის ექიმი აქტიურად მართავს პაციენტს და ცდილობს ააცილოს რეანიმაციას. და თუ ეს მაინც საჭირო გახდება, რეანიმატოლოგმა მისგან უნდა მიიღოს დაწვრილებითი პატაკი, რომ შეძლოს ეფექტური ჩარევა კრიტიკულ სიტუაციაში. ომბუდსმენის კომისიამ დაადგინა, რომ პატიმარი პრეზიდენტის არცერთი მიმდინარე პრობლემა არ იყო ადეკვატურად დიაგნოსტირებული. ასეთ შემთხვევაში, კრიტიკული გართულების შექმნისას, რეანიმაციული ღონისძიებები, თუნდაც ყველაზე გმირული, იქნება სრულიად უშედეგო; ზუსტად ისე, როგორც ფილტვების ასპროცენტიანი დაზიანებისას კოვიდის დროს.
კოლეგებო, ძალიან ბინძური თამაშის მონაწილედ გხდიან და თუ ფატალური შედეგი დადგა, თქვენ შეგაწმენდენ ხელს. პრინციპში მართლებიც იქნებიან, რადგან ეს თქვენი ექსპერტიზის სფეროა და პოლიტიკოსების ბრძანებებს არ უნდა დაუმორჩილოთ თქვენი პროფესიული სინდისი. პატიოსნად და უშიშრად აუხსენით თქვენს შეფებს კლინიკური ლოგისტიკის შეუცვლელი პრინციპები და ნუ ცდილობთ მათ პოლიტიკურ შეკვეთებს მოარგოთ პაციენტის სასიცოცხლო ინტერესები. დაფიქრდით”, – წერს ზურაბ გურული”.
ცნობისთვის, საქართველოს მესამე პრეზიდენტი მიხეილ სააკაშვილი უკვე 49-ე დღეა შიმშილობს. მისი ჯანმრთელობის მდგომარეობა მძიმეა.
სახალხო დამცველის მიერ შექმნილმა ექსპერტთა ჯგუფმა გუშინ მიხეილ სააკაშვილის მრავალპროფილურ კლინიკაში გადაყვანის რეკომენდაცია გასცა. მათ მესამე პრეზიდენტი გლდანის მე-18 დაწესებულებაში 16 ნოემბერს მოინახულეს.
მსგავსი სტატიები:
1-ელი იანვრიდან საქართველოს მოქალაქეებს ქვეყნიდან გამგზავრებამდეც შეამოწმებენ
სენატის მოსმენები იყო ბოლო ლურსმანი ოპოზიციური ბოიკოტის კუბოზე – სუბარი
კრისტიან დანიელსონი სალომე ზურაბიშვილს ხვდება
ილვესი: აშშ-ს არ მოსწონს საქართველოში არსებული ვითარება, შედეგად, ნაკლებ ყურადღებას მიიღებთ
ვიმეორებთ, საქართველო გახდება ალიანსის წევრი – მთავარი გზავნილები NATO-ს სამიტიდან
ხუხაშვილი: ვიღაცა პრევენციის მიზნით ნათქვამ ამ ერთუჯრედიან ქოცურ ვირეშმაკობას დაიჯერებს
”აწამებენ ემოციურად, ათრევენ თმით იატაკზე და იძულებით უკეთებენ უცნობ ნივთიერებებს”- ელენა კოგან-კიკაბიძის წერილი ემანუელ მაკრონს
“ყველა პატიმარს აქვს ღირსების დაცვის უფლება…ამ შემთხვევაში განსაკუთრებით ყოფილ პრეზიდენტს”- საფრანგეთის ელჩი