გაყალბებული არჩევნების შედეგად არჩეული პარლამენტის პირველი სხდომა 10 დეკემბრამდე უნდა ჩატარდეს. ამ დროის მონაცემებით, ის მხოლოდ “ოცნების” დეპუტატებით გაიმართება.
თუ “ქართული ოცნება” დათმობაზე არ წავა, საქართველო მსოფლიოში მერვე ქვეყანა გახდება, რომელიც 21-ე საუკუნეში ცხოვრებას ერთპარტიული პარლამენტით გააგრძელებს. ასეთ ქვეყნებს შორისაა: ჩრდილოეთ კორეა, ჩინეთი, ლაოსი, კუბა, სარაევო, ვიეტნამი და ერითრეა.
ერითრეას თითქმის 30 წელია, ერთი პარლამენტი ისე მართავს, რომ ქვეყანაში არჩევნები აღარ ტარდება. არჩევნები 2001 წელს უნდა გამართულიყო, თუმცა, გაურკვეველი ვადით გადაიდო.
ლაოსში კი 1975 წლის შემდეგ ქვეყნის სათავეში სახალხო რევოლუციური პარტიაა.
პოლიტიკური კრიზისის პარალელურად კი, მმართველი გუნდის წევრები ოპოზიციას ერთდროულად პარლამენტში შესვლასაც ეხვეწებიან და თან ამბობენ, რომ მათთვის უმნიშვნელოა, იქნება თუ არა მრავალპარტიული საკანონმდებლო ორგანო.
“ოცნების” გენერალურმა მდივანმა თქვა, რომ პრობლემას ვერ ხედავს, თუ ოცნება პარლამენტში მარტო დარჩება.
ეს განცხადება იმ პარტიის ლიდერს ეკუთვნის, რომელიც 2024 წლისათვის ევროკავშირის წევრობაზე განაცხადის გაკეთებას აპირებს.
ანალიტიკოსები ფიქრობენ, რომ ქვეყანა ჩიხშია და საქართველო ავტორიტარიზმის გზას ადგას და ქვეყნის მართვის სადავეები ხელში ერთმა პარტიამ ჩაიგდო.
ახალა კი, მთავარი კითხვაა, რა რეაქცია ექნებათ ხელისუფლების მიტაცებაზე საერთაშორისო პარტნიორებს.
აქვე შეგახსენებთ, რომ 31 ოქტომბრის საპარლამენტო არჩევნებს სრულად ოპოზიციური სპექტრი გაყალბებულად თვლის და საკანონმდებლო ორგანოს მანდატებზე უარს ამბობს. ოპოზიციის არც ერთ წარმომადგენელს მაჟორიტარულ ოლქებში არჩევნების მეორე ტურში მონაწილეობა არ მიუღია.
მსგავსი სტატიები:
საქართველოში კორონავირუსით კიდევ 1738 დაინფიცირდა, გარდაიცვალა 38
“ქართულმა ოცნებამ ყველაფერი შეასრულა 180 გრადუსით საპირისპიროდ”
კელი: როგორ შედგება შეთანხმება, როცა ოპოზიციური პარტიის ლიდერი ციხეშია
სამნიძე: მოლაპარაკებების წინ საჯარო განცხადებები სწორი არ არის
რუდენკო: საქართველოს მისწრაფებები ევროკავშირისა და NATO-სკენ გაუმართლებელია
“ნაციონალური მოძრაობა” აჭარის უმაღლეს საბჭოში შევიდა,თუმცა შარლ მიშელის დოკუმენტზე ხელს არ აწერენ
“ანუ დავაბრუნეთ ელისაშვილი საქოცეთიდან ოპოზიციაში?“
“ფსკერზე ვართ კი არა, ოზონი გავხვრიტეთ უკვე”