საქართველოს ახალგაზრდა იურისტთა ასოციაციის თავმჯდომარე, ნიკა სიმონიშვილი სახელმწიფო ინსპექტორის სამსახურთან დაკავშირებით ახალ ინიციატივას ეხმაურება და წერს, რომ მისი გაუქმების უკან პოლიტიკური ანგარიშსწორების მოტივებიც ჩანს.
ნიკა სიმონიშვილის თქმით, კანონპროექტი ინსპექტორის სამსახურთან კონსულტაციის გარეშე შემუშავდა და მათთვის უცნობია ამ ინიციატივის შინაარსი.
“სახელმწიფო ინსპექტორის სამსახურის გაუქმების უკან მარტივად შეგვიძლია დავინახოთ პოლიტიკური ანგარიშსწორების მოტივებიც.
ის, რომ სამსახურის საგამოძიებო და პერსონალურ მონაცემებზე ზედამხედველობის ფუნქცია გასამიჯნი იყო, დიდი ხანია ამის თაობაზე ვსაუბრობთ და თავიდანვე არასწორად გააკეთა ეს იუსტიციის სამინისტრომ. თუმცა, რეალურად ამ ინიციატივის მიღმა კონკრეტულად მოქმედი ინსპექტორის საწინააღმდეგო ნაბიჯებიც შეგვიძლია დავინახოთ და სამსახურის გაუქმებით მისთვის უფლებამოსილების შეწყვეტა შეიძლება მოჰყვეს ან ის ჩამოაშორონ საგამოძიებო ნაწილს, სადაც ხელისუფლებას აქვს პოლიტიკური ინტერესები და პერსონალურ მონაცემთა დაცვის ინსპექტორად დატოვოს.
ამას მაფიქრებინებს ის, რომ კანონპროექტი ინსპექტორის სამსახურთან კონსულტაციის გარეშე შემუშავდა და მათთვის უცნობია ამ ინიციატივის შინაარსი.
კითხვებს ბადებს ამ ინიციატივის წარდგენის დროც, ინსპექტორის ბოლო დროინდელი კრიტიკული განცხადებების და ობიექტურად გადადგმული ნაბიჯების შემდეგ.
ამდენად, ორი რაღაც უნდა გაითვალისწონოს პარლამენტმა:
1. კანონპროექტის განხილვა არ უნდა მოხდეს დაჩქარებული წესით;
2. ინსპექტორს ვადაზე ადრე არ უნდა შეუწყდეს უფლებამოსილების ვადა და ის ვადამდე არ უნდა ჩამოშორდეს საგამოძიებო უფლებამოსილებას.
წინააღმდეგ შემთხვევაში, ხელისუფლების ნაბიჯები პოლიტიკური ანგარიშსწორება იქნება და მეტი არაფერი”,-წერს ნიკა სიმონიშვილი.
სახელმწიფო ინსპექტორის თანამდებობისა და სახელმწიფო ინსპექტორის სამსახურის გაუქმება იგეგმება. საზოგადოებრივი მაუწყებლის ინფორმაციით, ამ უწყების ნაცვლად შეიქმნება ორი სამსახური – სპეციალური საგამოძიებო და პერსონალურ მონაცემთა დაცვის სამსახურები.
ცვლილებები საპარლამენტო უმრავლესობის წევრებმა: რატი იონათამიშვილმა, გივი მიქანაძემ, გიორგი ამილახვარმა, ანრი ოხანაშვილმა, დავით მათიკაშვილმა, ალუდა ღუდუშაურმა და გურამ მაჭარაშვილმა მოამზადეს. პროექტი 28 დეკემბრის ბიუროს სხდომას წარედგინება.
მსგავსი სტატიები:
საქართველოში COVID-19-ით კიდევ 4 პაციენტი გარდაიცვალა
ოზურგეთში სასულიერო პირის ავტომობილი დაიწვა
“თუ გვინდა რომ გადავრჩეთ, ადამიანთა ჯგუფებმა კი არა, უმრავლესობამ უნდა იაზროვნოს”
ზურაბიშვილი: ოცნებამ ნაცების დედა, დანარჩენი ოპოზიციის დედაც, მიშელის დედაც და თქვენი დედაცო
მაქვს კონკრეტული არჩევანი – კალაძე და მელია… მე ვხაზავ ოპოზიციას – მარგველაშვილი
“ტვინი უნდა იყოს მზაობაში, რომ ენით ნათქვამი სიტყვა ტვინმა რამდენიმე ხნის მერე არ უარყოს“-კახაძე
ჩემი პრემიერობის პირობებში, არცერთი მოქალაქე არ იდგება კანონზე მაღლა და კანონზე დაბლა – ღარიბაშვილი
“რუსეთის ტერმინოლოგიით საუბრობს და ისე ქადაგებს, რომ მისი პრორუსობა რუსეთის პატრიარქ კირილს შეშურდებოდა” -სააკაშვილი მეუფე იოანეზე