SpaceX-ის ხელმძღვანელმა ილონ მასკმა, Axel Springer-ის პრემიის დაჯილდოებისას განაცხადა, რომ ადამიანები მარსის ზედაპირზე აქედან 6 წლის შემდგომ დაეშვებიან.
მისი განმარტებით, თუ ყველაფერი ამჟამინდელი გეგმის მიხედვით შეუფერხებლად განხორციელდება, პირველი ადამიანი მარსისკენ უკვე ოთხ წელიწადში გაფრინდება, უფრო მეტიც, კომპანია წითელი პლანეტისკენ უპილოტო კოსმოსურ ხომალდს ორ წელიწადში გაუშვებს.
2019 წლის გეგმის თანახმად, მარსის ათვისება Starship-ის რაკეტებით უნდა განხორციელდეს, ხოლო პირველი მარსიანული დასახლების შექმნას დაახლოებით 20 წელი დასჭირდება. ამისთვის საჭირო იქნება “მილიონობით ტონა” აღჭურვილობისა და რესურსების გაგზავნა, რასთვისაც ათასობით Starship-ის ტიპის ხომალდი გახდება საჭირო. რაკეტების გაშვება ერთმანეთის მიყოლებით ვერ შედგება, იმ უბრალო მიზეზის გამო, რომ მარსი და დედამიწა წელიწადში ორჯერ უახლოვდებიან ერთმანეთს.
მარსის ასათვისებლად აუცილებელია ერთი პილოტირებადი გაფრენა მარსზე – განმარტავს მასკი.
სექტემბრის ბოლოს, მასკის SpaceX-მა აჩვენა რაკეტა Starship MK1. ამა წლის ივლისში კი, ხომალდ SN5-ის პროტოტიპმა წარმატებით გაიარა საცეცხლო ცდები, ხოლო აგვისტოში, პირველი “ნახტომიც” განახორციელა 150 მეტრის სიმაღლეზე. ოქტომბერში ხომალდმა SN8-მ, ასევე წარმატებით გაიარა საცეცხლო მომზადება, თანაც სამი მუშა ძრავით.
აქვე უნდა აღინიშნოს, რომ ცდებსა და ტესტებს ხარვეზების გარეშე არ ჩაუვლიათ, ასე მაგალითად, ერთ-ერთი პროტოტიპი საცეცხლო ცდებისას აფეთქდა.
Starship MK1
SpaceX ასევე გეგმავს “მცურავი კოსმოდრომების” აშენებას ზემძიმე კლასის რაკეტების გასაშვებად მთვარესა და მარსზე.
ავტორი: ირაკლი სალუქვაძე
მსგავსი სტატიები:
“ჩაძირული გზა” ავსტრალიაში, რომელზეც გადაადგილება დასაშვებია და აკრძალული არაა
67 მეტრიანი ფრთის დაუჯერებელი ტრანსპორტირება, რომელმაც ხალხი საგონებელში ჩააგდო
ალილო, ჩურჩხელა, ფული და კვერცხი-შობის ტრადიციები საქართველოს კუთხეებში
82 წლის რადიაკლი მუსლიმი ღვთისმსახური, აბუ ბაქარ ბაშირი ციხიდან გაათავისუფლეს
“მოსახლეობა ეხვეწება ოპოზიციას და ხელისუფლებას წადითო, მაგრამ ორივე უარზეა”
“პირველი გამარჯვება არის, თუ ბრძოლა გაგრძელდება საავადმყოფოც იარსებებს”
“საერთოდ, ამ ქვეყანაში დარჩენის აზრსაც ვეღარ ვხედავ”…
“თქვენ დაამტკიცეთ რომ თქვენი მთავარი ძალა ახლაც მომავალშია”- ნანუკა ჟორჟოლიანი სააკაშვილს