შინაგან საქმეთა სამინისტროს გურიის პოლიციის თანამშრომლებმა, საქართველოში დროებითი ბინადრობის სტატუსის მქონე ისრაელის მოქალაქე – 1954 წელს დაბადებული ი.ა. ოზურგეთის მუნიციპალიტეტის სოფელ ცხემლისხიდში დააკავეს. მას ბრალად ჯანმრთელობის განზრახ მძიმე დაზიანება ედება.
დანაშაული 3-დან 6 წლამდე ვადით თავისუფლების აღკვეთას ითვალისწინებს.
უწყების ცნობით, გამოძიებით დადგინდა, რომ ბრალდებულმა მიმდინარე წლის 12 თებერვალს, ოზურგეთის მუნიციპალიტეტის სოფელ დვაბზუში, ახლად შეძენილი საცხოვრებელი სახლის ყოფილ მეპატრონეს – 1958 წელს დაბადებულ ბ.ს.-ს, ყოფით ნიადაგზე დაწყებული ურთიერთშელაპარაკებისას, ფიზიკური შეურაცხყოფა მიაყენა, შემდეგ ცივი იარაღით დაჭრა და შემთხვევის ადგილიდან მიიმალა.
დაჭრილი მამაკაცი კლინიკაში გადაიყვანეს, სადაც შესაბამისი მკურნალობა უტარდება.
სამართალდამცველებმა, ჩატარებული ოპერატიულ-სამძებრო და საგამოძიებო მოქმედებების შედეგად, ი.ა. ბრალდებულის სახით მომხდარიდან მალევე დააკავეს. პოლიციამ, დაკავებულის პირადი ჩხრეკისას, დანაშაულის ჩადენის იარაღი – დანა ნივთმტკიცების სახით ამოიღო.
ჯანმრთელობის განზრახ მძიმე დაზიანების ფაქტზე გამოძიება საქართველოს სისხლის სამართლის კოდექსის 117-ე მუხლის 1-ლი ნაწილით მიმდინარეობს.
მსგავსი სტატიები:
“ლანჩხუთს ხელისუფლება ყავს?“ – კითხვაზე კითხვით გვპასუხობენ ბათუმის თეატრში
კიბერთავდასხმა – სამიზნე საქართველოს პარლამენტის ვებგვერდია
წყნეთში შვილმა მამა ცემით მოკლა
საქართველოს ბანკზე თავდამსხმელი დააკავეს
პოლიციაში პოლიციელი ხელკეტებით სცემეს
სასაფლაოები ლანჩხუთშიც გაძარცვეს
სპეცოპერაცია თბილისში – სამართალდამცველებმა 11 ნარკორეალიზატორი დააკავეს
“2 წელი ლუკა სირაძის სიკვდილიდან…” – “სირცხვილიას” თანადამფუძნებელი