“ალიანსი უკრაინაში თავისი ჯარის გაგზავნას არ გეგმავს”

ნატო-ს გენერალური მდივნის იენს სტოლტენბერგის განცხადებით, ახლა უკრაინაში არ არიან წარმოდგენილები ნატოს სამხედრო ძალები და ალიანსი არც გეგმავს უკრაინაში თავისი ჯარის გაგზავნას. ამის შესახებ სტოლტენბერგმა ბრიფინგზე განაცხადა.

მისი განმარტებით, ნატო მხარს უჭერს უკრაინას, თუმცა მისი პასუხისმგებლობა ნატო-ს მოკავშირეების უსაფრთხოების დაცვაა და ამ ვალდებულების შესრულების დემონსტრირებაა ალიანსის აღმოსავლეთ ნაწილში ნატო-ს წარმომადგენლობის გადაწყვეტილების მიღება.

„უკრაინა არის ნატო-ს ღირებული პარტნიორი. ჩვენ მხარს ვუჭერდით და ვეხმარებოდით უკრაინას მრავალი წლის განმავლობაში. დავეხმარეთ მათ შეექმნათ თანამედროვე შეიარაღებული ძალები, ვეხმარებოდით სამხედრო ძალების წვრთანასა და შესაბამის აღჭურვაში და შესაბამისად, ბევრი სხვადასხვა გზით გავაძლიერეთ უკრაინის შეიარაღებული ძალები. დავეხმარეთ მათ კიბერუსაფრთხოების მიმართულებით, მაგრამ უკრაინაში არ არიან ნატო-ს სამხედროები და ჩვენ არ ვგეგმავთ ნატო-ს ჯარების გაგზავნას უკრაინაში. თუმცა, რა თქმა უნდა, ვაპირებთ ნატოს მოკავშირეების დაცვას. ჩვენ ვუზრუნველვყოფთ უსაფრთხოების აბსოლუტურ გარანტიას ნატოს მოკავშირეებისთვის და ამ ვალდებულების შესრულების დემონსტრირება მოვახდინეთ იმით, რომ ვზრდით ნატო-ს წარმომადგენლობას ალიანსის აღმოსავლეთ ნაწილში,“- განაცხადა სტოლტენბერგმა.

გააზიარეთ და მოიწონეთ სტატია:

მსგავსი სტატიები:

მათიკაშვილი – ტყუილის თქმა და ტყუილის ტირაჟირება სააკაშვილის და „ნაციონალური მოძრაობის“ ცნობილი „ჯოკერი ა“ “უკეთესი მომავლის იმედი საქართველოში, მილევის ზღვარზეა” “კომპანია “ენკას” თანამშრომლები, სავარაუდოდ პოლიციის მანქანებით გადაჰყავთ ნამახვანის მიმართულებით” ვინ იქნებიან “ოცნების” სიის პირველ ხუთეულში ლანჩხუთში მასობრივი ვაქცინაცია – ოზურგეთის თეატრის მსახიობები Sinopharm-ით აიცრნენ თვითმმართველი თემის მერი-ოზურგეთი-საბოლოო შედეგები პარლამენტთან აშშ-ს მოქალაქე დააკავეს – ემიგრანტები მოპარულ არჩევნებს აპროტესტებენ მივესალმები ყაზახი ხალხის თავისუფლებისთვის ბრძოლას – მიხეილ სააკაშვილი