ევროკავშირის წევრობის კანდიდატის სტატუსის მისაღებად საქართველო განაცხადს ოფიციალურად დღეს წარადგენს. ამის შესახებ პარტია „ქართული ოცნების“ თავმჯდომარემ ირაკლი კობახიძემ 2 მარტს, პარტიის ცენტრალურ ოფისში გამართულ ბრიფინგზე განაცხადა.
„ქართული ოცნების“ პოლიტიკურმა გუნდმა მიიღო გადაწყვეტილება – დაუყოვნებლივ წარადგინოს განაცხადი ევროკავშირის წევრობის კანდიდატი ქვეყნის მისაღებად.
მოვუწოდებთ ევროკავშირის სტრუქტურებს, საგანგებო რეჟიმში განიხილონ ჩვენი განაცხადი და მიიღონ გადაწყვეტილება საქართველოსთვის ევროკავშირის წევრობის კანდიდატის სტატუსის მინიჭების შესახებ.
ჩვენი ოცნება და პოლიტიკური მიზანია, საქართველო გახდეს ეკონომიკურად ძლიერი და უსაფრთხო ევროპული ქვეყანა. სწორედ ამ მიზანს ემსახურება ჩვენი ხელისუფლების თითოეული ნაბიჯი, მათ შორის ჩვენი დღევანდელი გადაწყვეტილებაც.
გასული წლების განმავლობაში, ჩვენს ხელისუფლებას ჰქონდა არაერთი შთამბეჭდავი მიღწევა ევროკავშირთან ინტეგრაციის გზაზე. ხელი მოვაწერეთ ასოცირების შეთანხმებასა და თავისუფალი ვაჭრობის შეთანხმებას ევროკავშირთან, მივიღეთ უვიზო მიმოსვლის რეჟიმი. ევროკავშირში ინტეგრაცია კონსტიტუციურ ამოცანად განვსაზღვრეთ. განვახორციელეთ მრავალი რეფორმა, რომელმაც ქვეყანა ევროკავშირის სტანდარტებს დაუახლოვა. 2024 წლამდე ევროკავშირში გაწევრიანებაზე განაცხადის წარდგენა „ქართულმა ოცნებამ“ 2020 წელს საარჩევნო პროგრამის მთავარ მიზნად გამოაცხადა. ამ ძალისხმევის ლოგიკური გაგრძელებაა ჩვენი დღევანდელი გადაწყვეტილება განაცხადის დაუყოვნებლივ წარდგენისა და კანდიდატის სტატუსის მიღების შესახებ“, – განაცხადა კობახიძემ.
მსგავსი სტატიები:
“ივანიშვილს უნდა, ხელისუფლებისა და ოპოზიციის თავზე ღმერთივით ფარფატი”
“ამ სისტემის დემონტაჟი აუცილებელია“-აკაკი ბობოხიძე
ბუკნარში მუსლიმების აქცია განახლდა – თემი მიღწეულ შეთანხმებას უნდობლობას უცხადებს
ნიკა მელია რეიტინგით ბიძინა ივანიშვილს უსწრებს – IRI-ის კვლევა
ხუხაშვილი: გახარიას პიჯაკის მარჯვენა ჯიბეში სააკაშვილის სურათი უდევს
გიორგი თარგამაძის ედიტორიალი: უძალო ძალოსანი და მაშველი რგოლი
“ესენი ხელისუფლებიდან რომ წავლენ (მალე), შეიკრიბებიან ხოლმე…საგიჟეში, ციხეში, ამათთვის გაშენებულ სპეციალურ დასახლებაში, თუ…?”-ნიკა გვარამია
ჩემს შვილს კლავენ – გიული ალასანია