„რიტეილ ასოციაციის“ გამგეობის თავმჯდომარე მირანდა მანაჯგალაძე ამბობს, რომ ქვეყანაში შაქარზე პანიკური მოთხოვნაა, რისი საფუძველი არ არსებობს. როგორც მან bm.ge-სთან თემის კომენტირებისას თქვა, პანდემიის დროსაც იყო პანიკა, თუმცა ისეთ მასშტაბებს ახლა ადგილი არ აქვს.
„სავაჭრო ქსელებში შაქრის გაყიდვები გაზრდილია, თუმცა შემიძლია ვთქვა, რომ ჩართულია ყველა შესაბამისი ორგანო, რათა გადავიაროთ ეს ტალღა და დეფიციტი არ გვქონდეს ბაზარზე. გუშინ შაქარზე, მარილსა და ზეთზე დეფიციტი წარმოიქმნა, თუმცა გუშინ იყო 8 მარტი, ისვენებდნენ დისტრიბუტორები და დეფიციტი გარკვეულწილად ამით იყო გამოწვეული.
ვთხოვ მოსახლეობას, პანიკურად ნუ შეისყიდიან პროდუქციას, რადგან ბაზარზე შეიქმნება ხელოვნური დეფიციტი, რაც ნიშნავს იმას, რომ დახლზე პროდუქტი არ დახვდებათ, ხოლო მოთხოვნის გაზრდა გამოიწვეს პროდუქტზე ფასის ხელოვნურ ზრდას. არცერთი პროდუქტის დეფიციტი არ დადგება; იმპორტიორები ამბობენ, რომ მარაგები აქვთ. გარდა ამისა, აქტიურ მოლაპარაკებებს აწარმოებენ სხვადასხვა ბაზართან, რომ პროდუქციის დეფიციტი არ გაჩნდეს“, – განაცხადა მირანდა მანჯგალაძემ.
მისივე თქმით, იმპორტიორები აცხადებენ, რომ უხეში გათვლებით, შაქრის, მარილის და ზეთის თვენახევრის მარაგები აქვთ. „არის სხვადასხვა სახის ლოგისტიკური პრობლემა, რაზეც სახელმწიფოც ჩართულია და ეს პრობლემაც მალე გადაიჭრება. ჩვენ შეგვიძლია ვთქვათ, რომ პანიკის საფუძველი არ არის, მოსახლეობას შეუძლია იყოს მშვიდად“, – აღნიშნა მირანდა მანჯგალაძემ.
მსგავსი სტატიები:
“ვიღაც სავსე სუფრასთან, ჭამისგან ცუდად ხდება, ვიღაც კუთხეში ზის და ულუკმაპურობით ხდება ცუდად”
ჯულიეტა ვაშაყმაძე ჩემი თაობისთვის, დახვეწილობის და სილამაზის სიმბოლოა – მიხეილ სააკაშვილი
თბილისში ტონამდე გაურკვეველი წარმომავლობის და ვადაგასული ხორცი აღმოაჩინეს
ვაშინგტონის შტატში კორონავირუსზე აცრილები უფასო ჯოინთის მიღებას შეძლებენ
“თაყვანისმცემლები მას ფერად-ფერადი ფარვანებისავით დასდევდნენ-ბუბა კიკაბიძე “ქართველი დონჟუანი”
13 ივნისის ტრაგედიიდან 6 წელი გავიდა
საქართველოში შესაძლოა, პურის დეფიციტი შეიქმნას – წისქვილკომბინატები დახურვის საფრთხის წინაშე დგანან
მართლმადიდებელი ეკლესია ნათლისღების დღესასწაულს აღნიშნავს