რუსეთი ევროკავშირს აფრთხილებს, რომ მათ მიერ დაწესეულ სანქციებს უპასუხოდ არ დატოვებს.
კერძოდ, რუსეთის სახელმწიფო სააგენტო “რია” საგარეო საქმეთა სამინისტროს წარმომადგენლის ნიკალაი კობრინეტის კომენტარს ავრცელებს, სადაც ის ამბობს, რომ ევროკავშირის მიერ რუსეთის დაწესებულ უპასუხისმგებლო სანქციებს უკვე აქვს გავლენა ევროპის მოქალაქეებზე. მისივე თქმით, რუსეთთან კონფრონტაცია ევროგაერთიანების საუკეთესო ინტერესებში არ უნდა იყოს.
რუსეთის მიერ უკრაინაში ინტერვენციას ევროკავშირმა სანქციებით უპასუხა. სანქციების პირველი პაკეტი ომის დაწყებამდე რუსეთის მიერ დონეცკის და ლუგანსკის სეპარატისტული რეგიონების დამოუკიდებლობის აღიარების საპასუხოდ მიიღო. რუსეთის უკრაინაში შეჭრის საპასუხოდ კი მეორე პაკეტი დამტკიცდა. ამის შემდეგ ევროგაერთიანებამ სანქციების რამდენიმე პაკეტი კიდევ მიიღო. ევროკავშირმა რუსეთის რვა ბანკი SWIFT-ის სისტემიდან გათიშა.
გარდა ამისა, ევროკავშირმა დააწესა სანქციები რუსეთის ცენტრალური ბანკის წინააღმდეგ. ევროკავშირის სანქციები რუსეთს უმნიშვნელოვანეს კაპიტალის ბაზრებზე უზღუდავს წვდომას. ეს სანქციები ევროკავშირის სავაჭრო ბირჟებზე რუსეთის სახელმწიფო კომპანიების აქციებით ნებისმიერი სახის ოპერაციას კრძალავს. ამასთან, ახალი ზომები მნიშვნელოვნად ზღუდავს რუსეთიდან ევროკავშირში ფინანსების გადინებას. ამის მისაღწევად აიკრძალა: ევროკავშირში რუსეთის მოქალაქეებისა და რეზიდენტებისგან გარკვეულ ღირებულებაზე მაღალი დეპოზიტების მიღება, რუსი კლიენტების ანგარიშების არსებობა ევროკავშირის ფასიანი ქაღალდების ცენტრალურ საცავებში და რუსი კლიენტებისთვის ფასიანი ქაღალდების ევროში მიყიდვა.
მსგავსი სტატიები:
300-ლარიანი კომპენსაციას მიიღებენ ისინიც, ვისაც ხელფასი 5 დეკემბრამდე ერიცხებოდა და შეზღუდვების გამო შეუწყდა
“გისურვებთ, მალე დაბრუნდეთ” –ნანუკა სააკაშვილს დაბადების დღეს ულოცავს
“ოპოზიციის ნაწილმა წამოაყენა ულტიმატუმები, რაც ითვალისწინებდა კანონის უზენაესობის ფეხქვეშ გათელვას”
“ნეტა ნათქვამისთვის აზრის დატანებას ვისწავლიდეთ ოდესმე”
ოქრუაშვილი: “დროზე ჩამოდი, 9 ივნისს სასამართლო პროცესი ჩაგინიშნეთო”
ბოხვაურელი ამომრჩეველი მელექედურში ხმის მიცემას ცდილობდა
“ყაზახებსა და ქართველებს შორის განსხვავება ისაა, რომ ქართველებს არ აინტერესებთ მატერიალისტური საკითხები“ – ფადი ასლი
ახალი რკინის „ფარდა ევროპაში“ – რომელ მხარეს აღმოჩნდება საქართველო