ფინანსთა სამინისტროს შემოსავლების სამსახურის განცხადებით, ერთჯერადი 300-ლარიანი კომპენსაციის მიმღებ პირთა წრე გაფართოვდა. კერძოდ, კომპენსაციის გაცემის ხელისშემშლელ გარემოებად აღარ განიხილება ხელფასის ჩარიცხვა 28 ნოემბრიდან 5 დეკემბრამდე.
უწყებაში განმარტავენ, რომ პირები, ვისაც 5 დეკემბრამდე ჩაერიცხათ ხელფასი, თუმცა ამ წლის 5 დეკემბრიდან 24 დეკემბრამდე ანაზღაურება აღარ მიუღიათ დამქირავებლისგან, რომელსაც ახალი შეზღუდვების გამო, შეჩერებული აქვს საქმიანობის უფლება, მიიღებენ 300 ლარიან კომპენსაციას.
მათი განცხადებით, დღევანდელი მონაცემებით, შემოსავლების სამსახურის მონაცემთა ელექტრონულ ბაზაში მომხმარებელთა მიერ 73 600 განაცხადია დარეგისტრირებული. პირველადი ელექტრონული განაცხადების წარდგენა 3 დეკემბერს დაიწყო და 24 დეკემბრის ჩათვლით გაგრძელდება, ხოლო ინფორმაციის დაზუსტება, 28 დეკემბრის ჩათვლით იქნება შესაძლებელი.
უწყებაში განმარტავენ, რომ რეგისტრირებული თვითდასაქმებული პირები, ნებისმიერი ვებ ბრაუზერის გამოყენებით, თავად წარადგენენ ელექტრონულ განაცხადს მომხმარებლის ავტორიზებული გვერდიდან. ხოლო დასაქმებულებზე და არარეგისტრირებულ თვითდასაქმებულებზე ინფორმაციას, ასევე, ავტორიზებული გვერდიდან წარმოადგენენ დამსაქმებლები და ობიექტის მფლობელები.
მსგავსი სტატიები:
რუსი ჟურნალისტის, მაქსიმ შევჩენკოს თქმით, საქართველოში ხელისუფლების მოწვევით იყო
წულუკიანს მომავალი თაობები ავ დედაბრად გაიხსენებენ – შალვა ნათელაშვილის პასუხი
ევროპარლამენტი-საქართველომ ევროპის გაწვდენილი ხელი არ მიიღო
გელათის რესტავრაციის საკითხში, ძეგლთა დაცვის სააგენტომ სერიოზული ხარვეზები დაუშვა – თეა წულუკიანი
რატომ აქვს გახარიას მაღალი რეიტინგი და შეცდომა, რომელიც მან დაუშვა – ხუხაშვილი
“საქართველო არა მხოლოდ იცლება ხალხისგან,არამედ გაქრება მსოფლიო რუკიდან,ეს სრულიად უპრეცედენტო კატასტროფაა,უნდა დამთავრდეს და დამთავრდება კიდევაც!..”
“შალვა ნათელაშვილი ისტორიაში შევა, როგორც შალვა ფანჩატურელი დაუდგრომელი”
ბობოყვათში აქციაზე დაკავებულ ოთხივე პირს ბათუმის საქალაქო სასამართლომ 2000-2000 ლარიანი ჯარიმა დააკისრა