ვტოვებ “ქართულ ოცნებას” იმისთვის, რომ არავის მივცე საშუალება, გახვიონ ქვეყანა ომის ქარცეცხლში – გორელი დეპუტატი

გორის საკრებულოს ფრაქციის თავმჯდომარე მიშა გოგინაშვილი ფეისბუქზე წერს, რომ ტოვებს “ოცნებას” და ფრაქციის თავმჯდომარის მოადგილის თანამდებობას იმისთვის, რომ “უფრო თავისუფლად შეძლოს” საუბარი და “არავის მისცეს საშუალება ომის ქარცეცხლში გახვიოს ქვეყანა”.

“ჩემთვისაც ძალიან რთულია ნაწილ-ნაწილ ვილაპარაკო ხალხში და ვზომო რამდეის თქმაა საჭირო და რამდენის არა. მე მგონი ჯობს იმ ხალხს შევუერთდე, ვინც მეტის ლაპარაკს აპირებს…

მაშინ როდესაც, მიხეილ ყაველაშვილის მიერ დასმულ კითხვებზე, რომელიც დარწმუნებული ვარ ქართველი ხალხის დიდ ნაწილს გააჩნია, უახლოესი პარტნიორი ქვეყნის ელჩის მხრიდან ასეთი მძიმე შეფასებები მოვისმინეთ.  ნაცვლად იმისა, რომ ჩვენ მოგვესმინე კითხვებზე პასუხები, ვნახეთ შეურაცხყოფა და უპატივისმცემლობა.

ქართველმა ხალხმა (განსაკუთრებით გორელებმა) კარგად იცის როგორია ომის ფასი, რომლისკენაც სურთ რადიკალურ ძალებს უბიძგონ ჩვენ ქვეყანს. იმის ნაცვლად, რომ ამერიკის ელჩი ემიჯნებოდეს მათ და ყველა მსგავს ძალას და მცდელობას, სამწუხაროდ ვნახეთ საპირისპირო.

სწორედ ამიტომ, ვუერთდები ჩემი კოლეგის მოწოდებას, ვტოვებ პარტია “ქართულ ოცნებას” და ფრაქციის თავმდჯომარის მოადგილის თანამდებობას იმისთვის, რომ უფრო თავისუფლად შევძლო ამ ყველაფერზე საუბარი და ჩემს თანამოაზრეებთან ერთად არავის მივცე საშუალება კიდევ ერთხელ გახვიონ ჩვენი ქვეყანა ომის ქარცეცხლში”, – წერს გოგინაშვილი ფეისბუქზე.

ცნობისთვის, თანამდებობა და “ქართული ოცნება” ასევე დატოვეს ლაგოდეხის საკრებულოს თავმჯდომარის მოადგილემ, გიორგი ღამბაშიძემ, თერჯოლის საკრებულოს თავმჯდომარის მოადგილემ, ომარ ჯიხვაშვილმა, ახალციხის საკრებულოს თავმჯდომარის მოადგილემ, საბა კბილაშვილმა და ჭიათურის საკრებულოს წევრმა, ნიკა სამხარაძემ.

გააზიარეთ და მოიწონეთ სტატია:

მსგავსი სტატიები:

“ნანგრევი რაში მადარდებს, როცა ქრისტეს მოძღვრების აზრზე არაა ხალხი? ესაა მთავარი პრობლემა” “გიორგიმ შეიძლება მოაწეროს, მაგრამ მე არ მოვაწერ,კოალიციას დავტოვებ, ბუნებრივია” 8 ივლისი ისტორიაში – რა მნიშვნელოვანი მოვლენები ხდებოდა ამ დღეს როდესაც პატიმარი შიმშილობს, ამაზე პასუხისმგებელია მოშიმშილე პატიმარი, მარტივადაა საქმე – კობახიძე სააკაშვილზე “მრჩება შთაბეჭდილება, რომ ჩემ შვილს პირდაპირი მნიშვნელობით კლავენ”-მიხეილ სააკაშვილის მამა 81 მომხრე 7 წინააღმდეგი – პარლამენტმა სახელმწიფო ინსპექტორის სამსახურის გაუქმებას მხარი დაუჭირა რუსულმა საბრძოლო თვითმფრინავებმა შვედეთის საჰაერო სივრცე დაარღვიეს – შვედეთის შეიარაღებული ძალები “III მსოფლიო ომი მხოლოდ ბირთვული შეიძლება იყოს… თუ ჩვენს წინააღმდეგ რეალური ომი დაიწყება…“ – ლავროვი