რუსეთის პირველმა ჩოგანმა, დარია კასატკინამ, რომელმაც ცოტა ხნის წინ უკრაინის წინააღმდეგ რუსეთის აგრესია დაგმო, რუსულ ჩოგბურთზე ომის გავლენის შესახებ ისაუბრა.
25 წლის სპორტსმენმა მოუწოდა რუს ბავშვებს, ვისაც უნდა ჩოგბურთელი გახდეს, უარი თქვან რუსეთის მოქალაქეობაზე და ქვეყნიდან წავიდნენ.
“ჩემი აზრით, თაობას, რომელიც ახლა 16–17 წლის არის, კიდევ აქვს შანსი, რადგან ისინი უკვე თამაშობენ და აქვთ შესაძლებლობა წავიდნენ. აი, ისინი კი ვინც უფრო პატარაა… ჩემი აზრით, ბევრი ნიჭიერბი ბავშვი, რომელთა მშობლებს აქვთ შესაძლებლობა, ალბათ შეიცვლიან მოქალაქეობას. გულწრფელად რომ გითხრათ, ჩვენთან ასეთი კითხვები უკვე ჩნდება, იმიტომ რომ ხდება “უიმბლდონიდან“ ჩამოშორება, და ჩვენ არ ვიცით, რა იქნება მომავალში. ბავშვებს კი შემიძლია ვუთხრა, რომ თუ არის ასეთი შესაძლებლობა, ბავშვებო, შეიცვალეთ მოქალაქეობა. ჩოგბურთის საერთაშორისო ფედერაციისთვის რუსული ფედერაცია არ არსებობს. ჩვენ კეთროვანები ვართ. არ ვიცი მომავალში რა იქნება“ –უთხრა კასატკინამ იუთუბ არხის ჟურნალისტს, ვიქტორ კრავჩენკოს ინტერვიუში. გარდა ამისა, რუსმა ჩოგბურთელმა აღნიშნა, რომ თავადაც არ გამორიცხავს მოქალაქეობის შეცვლას.
შეგახსენებთ, რომ უკრაინაში რუსეთის აგრესიის გამო Wimbledon-2022–ის ორგანიზატორებმა რუს და ბელორუს ჩოგბურთელებს ტურნირზე გამოსვლა აუკრძალეს. ბრიტანელებმა აღნიშნეს, რომ რუსეთი რეგულარულად იყენებს სპორტსმენებს პროპაგანისტული მიზნებისთივს. Wimbledon-2022 პნირველი დიდი ჩოგბურთის ტურნირი გახდა, რომელმაც რუსებს და ბელორუსებს პირად შეჯიბრებებში გამოსვლა აუკრძალა.
მსგავსი სტატიები:
რას მოუტანს საქართველოს სტარასბურგის გადაწყვეტილება- ლია მუხაშავრიას განმარტება
1 აშშ დოლარის ოფიციალური ღირებულება 3.3044 ლარი გახდა
ბიძინა ივანიშვილი სუსის მეშვეობით პატრიარქს უთვალთვალებდა – ახალი ფაილები
გრიპის ვაქცინის უფასოდ გაკეთება მოქალაქეებს 1 დეკემბრამდე შეეძლებათ
ვარდების რევოლუციის იდეა ბოლომდეა მისაყვანი
სააკაშვილის წამება ციხეში – უკრაინელი დეპუტატები საგამოძიებო კომისიას შექმნიან
ოკუპირებულ ცხინვალში რუსეთში სამხედროების გაყვანას აპროტესტებენ – ე.წ. პრეზიდენტის არჩევნები შესაძლოა, ჩაიშალოს
დონეცკის ოლქის ქალაქი ლიმანი აღარ არსებობს – ლიმანის მერი