ე.წ. სუს-ის კრებსების საქმეზე ეკა ბესელიას დაზარალებულის სტატუსი მიანიჭეს. პარტია “სამართლიანობისთვის” ლიდერმა თბილისის პროკურატურის შენობა ცოტა ხნის წინ დატოვა.
კრებსებში, რომელიც გასულ წელს გავრცელდა, ეკა ბესელიას სასულიერო პირებთან კომუნიკაცია იყო ასახული. საუბრები 2017-2018 წლებში იყო ჩაწერილი, როდესაც ბესელია “ქართული ოცნების” წევრი და პარლამენტის იურიდიულ საკითხთა კომიტეტის თავმჯდომარე იყო.
ბესელია ამბობს, რომ ქვეყანაში ტოტალური მოსმენებია და “ოცნება” ახლაც უსმენენ როგორც პოლიტიკურ ოპონენტებს, ისე თანაგუნდელებს. მას გამოძიების იმედი არ აქვს და ფიქრობს, რომ სახელმწიფო არ გამოიძიებს იმ უწყების დანაშაულს, რომელიც ხელისუფლების დავალებებს ასრულებს.
“ყველაზე მნიშვნელოვანი არის ახლა დადგინდეს პასუხისმგებელი პირები. შარშან დამკითხეს, ახლა მცნეს დაზარალებულად. მე სულ მქონდა კომუნიკაცია, მოვითხოვე დაზარალებულად ცნობა და ვიცი, რომ სტრასბურგშიც არის გაგზავნილი განაცხადი, მაგრამ მთავარი რასაც ვითხოვ, არის ის, რომ სახელმწიფოში ვინმემ პასუხისმგებლობა უნდა აიღოს ამ სისტემურ დანაშაულებზე. ეს არის ჩვენი ხელისუფლების პერიოდში ჩადენილი, საკუთარ ხელისუფლებაში კომიტეტის თავმჯდომარეს, პარლამენტის თავმჯდომარეს, პრეზიდენტს, ელჩებს, ყველა რომ უსმენ, ჟურნალისტებს და სასულიერო პირებს ხომ საერთოდ, ამ მასშტაბის თვალთვალი და კონტროლი არ მახსოვს”, – თქვა ეკა ბესელიამ.
გამოკითხვები პროკურატურაში ამ წუთებშიც მიმდინარეობს. უწყებაში ცოტა ხნის წინ ნინია კაკაბაძე შევიდა. სუს-ის კრებსებში მისი და ეკა კვესიტაძის საუბარიც მოხვდა.
მსგავსი სტატიები:
ნიჭია იყო მშიერი, დაუცველი და თან ბედნიერი – ნათია ფანჯიკიძე
კელი დეგნანი ითხოვდა, სააკაშვილი არ დაენიშნათ თანამდებობაზე კიევში- გვარამია
15 მაისის აქციასთან დაკავშირებით მოცემულობა შეიცვალა – დეკანოიძე
ინტელექტისგან დაცლილი პარტია – სალომე სამადაშვილი „ნაციონალურ მოძრაობაზე“
ჩარკვიანი: ზურაბიშვილის გამოსვლიდან რამდენიმე ნოტი დავიჭირე და ხავსს მოვეჭიდე
უკრაინამ დაიბრუნა კონტროლი კახოვკის ჰიდროელექტროსადგურზე
NDI: უმრავლესობის აზრით, NATO-ში გაწევრიანება ტერიტორიული მთლიანობის აღდგენას შეუწყობს ხელს
პანეტა: პუტინმა აშშ-სგან სისუსტე იგრძნო, ამით ისარგებლა როცა შეიჭრა საქართველოში და სხვაგან