პანეტა: პუტინმა აშშ-სგან სისუსტე იგრძნო, ამით ისარგებლა როცა შეიჭრა საქართველოში და სხვაგან

აშშ-ის ექსპრეზიდენტის ბარაკ ობამას ადმინისტრაციის თავდაცვის მდივანმა ლეონ პანეტამ ტვ ფორმულასთან საუბარში რუსეთსა და მისი აგრესიით დაზარალებულ ქვეყნებზე ისაუბრა და განაცხადა, რომ პუტინმა აშშ-სგან სისუსტე იგრძნო. მისი თქმით, სწორედ ამით ისარგებლა, როცა შეიჭრა საქართველოში:

“ვფიქრობ, ძალიან მნიშვნელოვანი იყო შეერთებული შტატებისა და ნატოს მოკავშირეებისთვის, რომ გაერთიანებულიყვნენ და პუტინისთვის ძალიან ნათელი სიგნალი გაეგზავნათ – რომ თუ ნამდვილად შეიჭრებოდა, მას ამის გამო საფასურის გადახდა მოუწევდა. სამწუხაროდ პუტინმა აშშ-ის მხრიდან წლების განმავლობაში გამოჩენილი სისუსტე იგრძნო, ამით ისარგებლა მაშინ, როდესაც შეიჭრა საქართველოში, ყირიმში, ასევე სირიასა და ლიბიაში, და მაშინ როდესაც არჩევნების დროს შეერთებული შტატების წინააღმდეგ ძალიან გამბედავი კიბერშეტევა განახორციელა. მას ამის საზღაური არ გადაუხდია. ის ფიქრობდა, რომ ეს შეჭრაც ასე ჩაივლიდა და პასუხს არავინ მოსთხოვდა. ვფიქრობ, ძალიან მნიშვნელოვანი იყო, რომ შეერთებულ შტატებსა და ჩვენს მოკავშირეებს ძალიან ცხადად ეთქვათ, რომ მას ფასის გადახდა მოუწევდათ, რაც გამოიხატა სანქციების დაკისრებაში, ასევე უკრაინისთვის იარაღის სახით გაწეულ დახმარებაში” – აღნიშნა პანეტამ.

წყარო: ტვ ფორმულა

გააზიარეთ და მოიწონეთ სტატია:

მსგავსი სტატიები:

პოლიტიკიდან მივდივარ ამაყი და გამარჯვებული- ივანიშვილი “დაუნახავი უნდა იყო კაცი ბიძინას სიკეთე არ დაინახო” მელია: გამოსასყიდით იყიდე თავისუფლება, თან ისე, რომ 20 ივნისი გავაყალბოთო მმართველი გუნდის თავის ტკივილები ოზურგეთში “როცა შესაძლებლობის ერთ კარს გიხურავენ, მეორე უნდა გააღო…წიხლით უნდა შეანგრიო…არდაშლა (ჩვენი) და მოშლა (ოცნების)”-ნიკა გვარამია “პატიმრით ევაჭრნენ და ოჯახის წევრები ხმებზე არბენინეს..ზონდერებს და ,,კაი ბიჭებს” დამკვირვებლის ბეიჯები დაკიდეს !” – ირაკლი ღლონტი “ხედავთ ყაზახეთში გაზის გაძვირებამ რა გამოიწვია? თქვენ ხან იშიმშილეთ,მოშიებამდე,ხან ე. წ. პრეზიდენტთან იარეთ” – მაია ბაჩანაშვილი ”ახლა წინასწარ გირჩევთ რუსოფილებს – რუსკი კარაბლის გზა ხომ იცით??”