გაგიკვირდებათ, მაგრამ ლედი ლუიზა უინძორმა, პრინც ედვარდის 18 წლის ქალიშვილმა გამწვანების ცენტრში მოლარის თანაშემწედ დაიწყო მუშაობა. მისი ანაზღაურება საათში 6,83 გირვანქა სტერლინგი იქნება (8, 14 დოლარი). მის მოვალეობებში შედის სალაროსთან მუშაობა, კლიენტებთან ურთიერთობა და მცენარეების გადაჭრა-გადარგვა.
“ვერასდროს ვიფიქრებდი, რომ ოდესმე დედოფლის შვილიშვილს გადავეყრებოდი აქ მომუშავეს. ძალიან მოკრძალებული და საყვარელი გოგონაა, კლიენტებთან ყურადღებიანი და ზრდილობიანი. პერსონალიც გიჟდება მასზე. ყოველდღე ხომ ვერ იყიდი ბეგონიას სამეფო ოჯახის წევრისგან”, – ამბობენ ლედი ლუიზას კლიენტები.
გოგონა პარალელურად სენტ-ენდრიუს უნივერსიტეტში ისწავლის ინგლისურ ენას – ამ კვირაში გახდა ცნობილი, რომ გამოცდები წარმატებით ჩააბარა.
მას დედოფლის საყვარელ შვილიშვილად იცნობენ. გოგონა დიდ დროს ატარებს ბებიასთან, მასავით უყვარს საცხენოსნო სპორტი, ღონისძიებებშიც მონაწილეობს. ერთხელ უქმეებზე თავისი სურვილით დაიტოვა უილიამისა და კეიტის შვილები და მათზე ზრუნავდა, სანამ ისინი ბალმორალში იყვნენ ოფიციალურ ვიზიტზე.
გარდა ამისა, გოგონას ძალიან უყვარს ხატვა და ამბობენ, რომ პრინცესა შარლოტასაც უტარებს ხოლმე ხატვის გაკვეთილებს.
საინტერესო ფაქტია ასევე მისი ცხოვრებიდან, რომ ლედი ლუიზამ სრულიად შემთხვევით შეიტყო “ლედის” ტიტულის ფლობის შესახებ. ეს მისთვის თანაკლასელებს უთქვამთ. პრინცი ედვარდი და მისი მეუღლე ბავშვობიდან ძალიან მოკრძალებულად ზრდიან გოგონას და მის ძმას. სამეფო ტახტის მემკვიდრეთა რიგში ლედი ლუიზა მეთექვსმეტეა. მამამისი კი, პრინცი ედვარდი, ელისაბედ დედოფლის მესამე, ნაბოლარა ვაჟი, მეთოთხმეტეა ტახტის მემკვიდრეთა რიგში.
mshoblebi.ge
მსგავსი სტატიები:
“არ არის ნიკა მელია დამნაშავე, თორემ დამნაშავე რომ იყოს,ჩვენ ასე ხმამაღლა არ ვილაპარაკებდით”
კრწანისის რაიონში დაპირისპირების შედეგად 1 ადამიანი დაიღუპა, 3 კი დაიჭრა
კონსტანტინე შარაშენიძე ოზურგეთის მერობისათვის კვლავ დამოუკიდებლად იბრძოლებს
“არავის ისე არ გაუთელია ფეხქვეშ “კაიბიჭობის” ინსტიტუტი როგორც ქოცებს” – ოქრუაშვილი
“რა პოლიტიკურ მორატორიუმზეა ლაპარაკი, როდესაც ადამიანმა დანაშაული ჩაიდინა” – ვოლსკი
რა დაგიჯდებათ საშუალოდ საახალწლო სუფრის მომზადება?
“მითი “რუსეთის უძლეველობისა” უნდა გაქარწყლდეს…რუსეთი ოკუპანტია!”-ირმა გორდელაძე
კრემლმა მოლდოვაზე თავდასხმის გადაწყვეტილება მიიღო