თბილისში დაჭრილი პატიმრის ჯანმრთელობის მდგომარეობა კრიტიკულია. 28 წლის გურამ სვანიძე კლინიკაში თავის არეში მიყენებული გამჭოლი ჭრილობით მიიყვანეს, რის გამოც გადაუდებელი ოპერაცია ჩაუტარდა.
ამ დროისთვის სვანიძე მართვის სუნთქვაზე იმყოფება. ექიმები ოჯახს მისი გადარჩენის იმედს ვერ აძლევენ.
“ფსიქიატრიულში გადმოუყვანიათ, ვიფიქრე, რომ კარგია ალბათ ფსიქიატრიულში რახან არის. ფანჯრიდან დავინახე გუშინ და მეგონა, რომ ყველაფერი იქნებოდა კარგად, მაგრამ მოვდივარ დღეს დილას და მეუბნებიან, რომ ბავშვს აქვს გამჭოლი ჭრილობა, ტოტალური ტვინის დაზიანება. ოპერაცია ტარდებოდა რომ მოვედი. რანაირად მოხვდა ჩემი შვილის ხელში იარაღი, როგორ გაირტყა, ამიხსენით. ფსიქიატრიულიდან გადაწყვიტეს, რომ გადაეყვანათ უკან ისევ ციხეში, გადაწყვიტეს, რომ ერთ დღეში გამოკეთდებოდა. არ იყო კარგად, არ იყო მზად, რომ ციხეში გადაეყვანათ”, – ამბობს პატიმრის დედა, ნათია შენგელია.
ოჯახის წევრების ინფორმაციით, სვანიძე, რომელიც წინასწარ პატიმრობაში იყო, გლდანის ციხიდან ფსიქიკური ჯანმრთელობის ცენტრში მდგომარეობის დამძიმების გამო ორი დღის წინ გადაიყვანეს. გასროლა კი დღეს გამთენიისას მოხდა, როცა კლინიკაში ციხის საბადრაგო სამსახური მივიდა.
ოჯახს სამართალდამცავებმა მომხდარის ვერსიად პატიმრის მიერ თვითმკვლელობის მცდელობა შესთავაზეს. უთხრეს, რომ გურამ სვანიძემ ბადრაგს იარაღი წაართვა და რამდენიმე გასროლა განახორციელა. თუმცა, ნათესავებს ამ ვერსიის არ სჯერათ. ისინი მომხდარში ბევრ საეჭვო გარემოებას ხედავენ.
რა ვითარებაში მიიღო ჭრილობა პატიმარმა, ამასთან დაკავშირებით გამოძიება მიმდინარეობს.
მსგავსი სტატიები:
გადავარჩინოთ ბახმარო-აქციები გურიაშიც ჩატარდება
შემძულდა ეგ ბავშვი- 14 წლის გოგოს ბიძა
წარწერა სასაფლაოს ჭიშკარზე: “ვიკეტებით სააღდგომოდ, გავიხსნებით საარჩევნოდ” – იუმორი
პატრიარქის სააღდგომო ეპისტოლე
საგამოძიებო სამსახურმა ორი პირი დააკავა, რომელიც დაავადებული ან მკვდარი ცხენის და ვირის ხორცის რეალიზაციას ახდენდა
ვახო სანაია – ყველა ინსტიტუტი მოკლა საქართველოში „ქართულმა ოცნებამ“, ჩვენ ბოლო ბასტიონი ვართ და არ დავეცემით
30-იანი წლები რომ იყოს დღეს ჟურნალისტების 90 % დახვრეტა არ აცდებოდა – ლიხაურის ეკლესიის წინამძღოლი
როგორი იქნება ბახმაროში დასასვენებელი პარკი (ფოტო)