ნიკო კვარაცხელიას დედის ემოციური წერილი

ნიკო კვარაცხელიას დედა, იზო ომაძე 14 ოქტომბერს ვაკის პარკში მომხდარ ტრაგედიას ეხმაურება. წერილი Feedc-ის პლატფორმაზე გამოქვეყნდა. ტექსტის პირველი ნაწილი საქართველოს ეროვნული ბიბლიოთეკის ხელმძღვანელის, გიორგი კეკელიძის მანამდე დაწერილ პოსტს ეყრნობა.

წერილს სრულად გთავაზობთ:

“კი, რაღაც ყველაფერს პროვოკაციის სუნი ასდის:

ხომ იცოდა გაფრინდაშვილმა, რომ დააპატიმრებდნენ, რაღას გადადიოდა იმ მხარეს?

ხომ იცოდა ტატუნაშვილმა, რომ მოკლავდნენ, რაღატომ გადაწყვიტა წასვლა?

ანწუხელიძემ ხომ იცოდა, რუსეთი რომ დიდია და მაგას ვერ მოერევი, რატომ არ დანებდა?

ზვიად გამსახურდიამ ხომ იცოდა, რომ მოკლავდნენ, რაღას ბრუნდებოდა სამშობლოში?

ხომ იცოდა მიხელ ჯავახიშვილმა, რომ აწამებდნენ და დახვრეტდნენ?

და ილია ჭავჭავაძემ ხომ იცოდა, გულში ტყვიის დახლა რომ არის სამშობლოს გულით სიყვარულის ბოლო?

დიმიტრი ყიფიანმაც ხომ იცოდა?

თევდორე მღვდელმა?

ხომ იცოდა შუშანიკმა საპყრობილეში რომ ამოალპობდნენ?

ან ამ აბოს რაღა რჯიდა?

იცოდნენ, იცოდნენ და რომ იცოდნენ, იმიტომ ზიხართ ახლა თქვენ დამოუკიდებელი საქართველოს რომელიღაც ქალაქში, თბილ ოთახში და დიდი წვალებით, მაგრამ მაინც რუსული შრიფტით აცოდვილებთ ბრძნულ შეკითხვას: ხომ, იცოდა?

და მე გპასუხობთ – იცოდა.”

გიორგი კეკელიძე.

ჩვენმა შვილებმაც ხომ იცოდნენ რომ მალე მოკვდებოდნენ და რატომ დაიბადნენ???

რატომ სუნთქავდნენ? რატომ თამაშობდნენ, რატომ? რატომ?

მეც შვილმოკლულმა, განადგურებულმა დედამ ვიცი! კარგად ვიცი ეშმაკთან ბრძოლის საფრთხეები, მაგრამ

სვეტიცხოვლის მადლი შეგეწიოს ჩემო ბედკრულო და გათითოკაცებულო ქვეყანავ

მართალთა შორის განისვენე ანგელოზად გაფრენილო პატარა მარიტა იქ ზეცაში მფარველად, უფლისწულნი გელიან: ნიკო, გიორგი, მირიანი, ლუკა

ჩვენი ხვედრი კი მიწაზე ტანჯვა და იმიერში შვილებთან ჩახუტების იმედია”, – წერს იზო ომაძე.

გააზიარეთ და მოიწონეთ სტატია:

მსგავსი სტატიები:

WHO: ნუ ჩაეხუტებით ერთმანეთს იაპონიაში 7,2 მაგნიტუდის მიწისძვრა მოხდა – არსებობს ცუნამის საშიშროებაც “დიდი მატერიალური და მორალური ზიანი მოგვადგა” – “სუხიშვილების” ამფითეატრი გაქურდეს ადგილობრივ პროდუქციასა და მომსახურებაზე ფასები 6.8%-ით გაიზარდა საჭადრაკო კლუბმა ლანჩხუთში სოციალურად დაუცველ ბავშვებს საჩუქრები გადასცა “ელექტროშოკური აპარატისა და გასაბერი ნავის გამოყენებით, უკანონოდ მოიპოვებული 1,5 კგ ხრამულის სახეობის თევზი”-გარემოსდაცვითი ზედამხედველობის დეპარტამენტი საკეისრო კვეთის შემდეგ კორონავირუსით ინფიცირებული ახალგაზრდა ქალი გარდაიცვალა [18+] თბილისში, სავარაუდოდ რუსი ტურისტები, შუა ქუჩაში სექსით დაკავდნენ – ვიდეო