აშშ-ში მცხოვრები ქართველი ექიმი, ზურა გურული იაშვილის კლინიკის წინააღმდეგ აგორებულ სკანდალს ეხმაურება და წერს, რომ თუ კლინიკა დაიხურება, ამით დიდი ზიანი მიადგება საქართველოში კლინიკურ პედიატრიას.
“ჯონს ჰოპკინსის 2018 წელს გამოქვეყნებული კვლევის მიხედვით, სამედიცინო შეცდომებით ყოველწლიურად, ამერიკის შეერთებულ შტატებში, 250 ათასი ადამიანი იღუპება.
თავად ჯონს ჰოპკინსში, მსოფლიოს სამეულში მუდმივად მყოფ კლინიკაში, 21-ე საუკუნეში, 2001 წელს, დეჰიდრატაციით, ანუ წყურვილით მოუკვდათ წლინახევრის ბავშვი, ექთნებსა და ექიმებს შორის კომუნიკაციის არარსებობის გამო.
შეეშვით იაშვილის კლინიკას. ჯონს ჰოპკინსი ნაღდად არ არის, მაგრამ საქართველოს პედიატრიის კვინტესენციის დიდი ნაწილი მაქ არის თავმოყრილი და თუ მაგ მასშტაბის კლინიკა გაქრება, უზარმაზარი დარტყმა მიადგება როგორც კლინიკურ პედიატრიას, ასევე აკადემიურსაც.
მე არ ვიცი სამედიცინო ლოგისტიკის რომელმა ქართველმა ტიტანმა მიიღო ასეთი მნიშვნელობის კლინიკის თუნდაც ერთი დღით დახურვის გადაწყვეტილება და არც ვაპირებ შეკამათებას. კოლეგიალობის შესანიშნავი გაკვეთილები მივიღე ქართული მედიცინის კლინიკური და ლოგისტიკური სექტორიდან პანდემიის პერიოდში, მაგრამ საზოგადოებას კი ვურჩევდი, შეეშვან იაშვილის კლინიკის დისკრედიტაციას.
იმ პირობებში, რომელშიც ქართულ მედიცინას არსებობა უწევს ამჟამად, ეგ კლინიკა შესაძლებლობების მაქსიმუმს აკეთებდა.
და თუ მართლა გსურთ ჯანდაცვის სექტორის გაუმჯობესება, “უნაგირს” შეეშვით და “ცხენს” მიხედეთ, “ცხენს”, – წერს გურული.
მსგავსი სტატიები:
ცნობილი ოზურგეთელი ტენორი ალექსანდრე ხომერიკი გარდაიცვალა
6 ნივთი რომელიც ქალებმა გამოიგონეს, თუმცა დღეს მამაკაცები უფრო იყენებენ
პანდემიის მიუხედავად, ზაფხულის სეზონი დაიწყო და უკვე ვხედავთ უცხოელ ტურისტებს
“ნუ გეშინია, მოვდივარ…ეს ვუთხარი… თავს უშველეო რომ მეთქვა, ალბათ, უკეთესი იქნებოდა” – რას ჰყვება 13 ივნისის ტრაგედიის დროს გარდაცვლილი ივლიტა ჯიბუტის მამა
მოგიწოდებთ, არ დაანთოთ ცეცხლი სასოფლო სამეურნეო სავარგულებზე, ტყის ან ველის სიახლოვეს – საგანგებო
“ინფლაცია ალბათ უფრო მაღალი იქნება…ვიდრე ვვარაუდობდით”- გვენეტაძე
ოქტომბერში ფასები მხოლოდ 4 საკვებ პროდუქტზე შემცირდა
ოზურგეთში ახალგაზრდა გოგონამ თვითმკვლელობა სცადა