„მხარს ვუჭერთ უკრაინას“ – ირაკლი ღარიბაშვილი

უნგრეთის პრემიერ-მინისტრთან შეხვედრის შემდეგ, ერთობლივ პრესკონფერენციაზე ირაკლი ღარიბაშვილმა უკრაინის მხარდაჭერაზე ისაუბრა.

ღარიბაშვილი: რეკომენდაციებზე აქტიურად ვმუშაობთ, მაქსიმუმს ვაკეთებთ და გავაკეთებთ, რათა საქართველომ ევროკავშირის კანდიდატის სტატუსი რაც შეიძლება მალე მიიღოს

როგორც ღარიბაშვილმა აღნიშნა, საქართველო უკრაინას ყველა პლატფორმაზე უჭერს მხარს:

„მთავრობებს და მმართველებს დიდი პასუხისმგებლობა აკისრიათ საკუთარი ხალხის წინაშე. მინდა დავადასტურო ჩემი დიდი პატივისცემა უნგრეთის პრემიერის და მისი პოლიტიკის მიმართ. ჩვენც ვაკეთებთ მაქსიმუმს, რათა ჩვენი ქვეყნების და ხალხის ინტერესები დავიცვათ ამ რთულ დროს.

ომი უკრაინაში აბსოლუტურად მიუღებელია. ყველა პლატფორმაზე მხარს ვუჭერთ უკრაინას.

ჩვენი სურვილია, რომ რაც შეიძლება მალე დასრულდეს ეს ომი. ჩვენი ამოცანა არ უნდა იყოს ამ ომის გახანგრძლივება, არამედ ყველას ამოცანა უნდა იყოს, რომ ამ მომაკვდინებელი ომის რაც შეიძლება მალე შეჩერება მოხდეს.
რა თქმა უნდა, ეს ყველაფერი აისახება ფასებზე, წარმოიშვა კრიზისი ენერგეტიკის სფეროში და ამას სჭირდება ადეკვატური გამკლავება. საქართველო მტკიცედ მიჰყვება თავის გზას, ევროპულ არჩევანს. ჩვენი ეკონომიკა ვითარდება. გვაქვს ორნიშნა ეკონომიკური ზრდა და ჩვენ მაქსიმალური უნდა გავაკეთოთ, რომ ჩვენი ქვეყანა რაც შეიძლება მალე, კიდევ უფრო მეტად დაუახლოვდეს ევროპას და ევროპულ სტრუქტურებს“, – განაცხადა ირაკლი ღარიბაშვილმა.

შეგახსენებთ, პრემიერ-მინისტრი ირაკლი ღარიბაშვილი უნგრეთის დედაქალაქ ბუდაპეშტში ოფიციალური ვიზიტით იმყოფება.

გააზიარეთ და მოიწონეთ სტატია:

მსგავსი სტატიები:

ხოშტარიამ „ევროპული საქართველო“ დატოვა და ახალ პოლიტიკურ პლატფორმას ქმნის მედიაციის პროცესი შედეგიანი იქნება თუ არა, ჩვენ მაინც ამ პროცესიდან გამოვიყვანთ ქვეყნისთვის საუკეთესოს კელი: როგორ შედგება შეთანხმება, როცა ოპოზიციური პარტიის ლიდერი ციხეშია სააკაშვილის “კაცი”, კობახიძის ახალი “სიბრძნე” და მდინარაძე-წილოსანის გალობა – გგონიათ, ნაპრემიერალი დაგლეჯს ჩვენს ნაცვლად ნარ-ეკალს? ასეთი შეშინებული ხელისუფლება არასოდეს გვყოლია – ტორესა მოსი რა არის ჩაწერილი „ფლეშკაზე“, რომელიც მეუფე ნიკოლოზმა საკურთხეველთან ღარიბაშვილს გადასცა ”დღეს ან მშვიდობის მომხრე ხარ, ან სისხლიან რუს აგრესორებს უჭერ მხარს, რომ დახოცონ უკრაინელი ბავშვები და ქალები” “ივანიშვილი გველეშაპია…რომელიც პუტინისგან და ეშმაკისგან მოევლინა საქართველოს “– ნათელაშვილი