მეცნიერებმა რევოლუციური უწოდეს პირველ წამალს, რომელიც ალცჰაიმერის დაავადების დროს ტვინის განადგურებას ანელებს. ბრიტანული გამოცემა BBC წერს, რომ კვლევის მიღწევამ დაასრულა ათწლეულების წარუმატებლობა ამ დარგში და აჩვენა, რომ ალცჰაიმერის დაავადების სამკურნალოდ წამლების ახალი ერა უკვე რეალობაა.
თუმცა, ახალი წამალი სახელად ლეკანემაბი მხოლოდ ნაწილობრივ იძლევა ეფექტს და მისი ეფექტურობაც ჯერ კიდევ განსჯის საგანია.
საქმე ის არის, რომ პრეპარატი მოქმედებს დაავადების ადრეულ სტადიაზე, ამიტომ, სანამ მსგავსი გარღვევა/წინსვლა არ მოხდება ალცჰაიმერის დიაგნოსტირებაში, ის ვერ დაეხმარება ადამიანების უმეტესობას.
ლეკანემაბი ზემოქმედებს ალცჰაიმერის დაავადების მქონე ადამიანების ტვინში დაგროვებულ ცილოვან მასა – ბეტა-ამილოიდზე.
ლეკანემაბი არის ანტისხეული, დაახლოებით ისეთი, რომლებსაც ჩვენი ორგანიზმი ქმნის ვირუსებთან ან ბაქტერიებთან საბრძოლველად. ის ავალებს იმუნურ სისტემას, გაასუფთაოს ტვინი ამილოიდისგან.
ფართომასშტაბიან კვლევაში მონაწილეობდა 1795 მოხალისე ალცჰაიმერის დაავადების ადრეულ სტადიით. ისინი წამალს ორ კვირაში ერთხელ იღებდნენ.
მსოფლიოს ერთ-ერთმა წამყვანი მკვლევარი ამ განხრით, პროფესორი ჯონ ჰარდი, რომელმაც 30 წლის წინ წამოაყენა ამილოიდებთან ბრძოლის იდეა, BBC-სთან ინტერვიუში ამბობს, რომ ეს „ისტორიული“ მოვლენაა. „ჩვენ ვხედავთ ალცჰაიმერის თერაპიის დასაწყისს“, – თქვა მან. პროფესორმა ტარა სპირეს-ჯონსმა, ედინბურგის უნივერსიტეტიდან თქვა, რომ ეს შედეგები „დიდი საქმეა, რადგან დიდი ხნის განმავლობაში გვქონდა 100% წარუმატებლობის მაჩვენებელი“.
კლინიკური კვლევის შედეგები, რომელიც წარმოდგენილი იყო სან-ფრანცისკოში, ალცჰაიმერის დაავადების კონფერენციაზე და გამოქვეყნდა New England Journal of Medicine-ში, არ ამბობს, რომ ხდება სასწაულებრივი განკურნება. კვლევის განმავლობაში დაავადება კვლავ ართმევდა ადამიანებს მეხსიერებას, მაგრამ ეს შემცირება შენელდა დაახლოებით მეოთხედით მკურნალობის 18 თვის განმავლობაში.
„ლეკანემაბმა შეამცირა ამილოიდის მარკერები ალცჰაიმერის დაავადების ადრეულ ეტაპზე და გამოიწვია შემეცნებისა და ფუნქციის ზომიერად ნაკლები დაქვეითება, ვიდრე პლაცებომ 18 თვის განმავლობაში, მაგრამ დაკავშირებული იყო გვერდით ეფექტებთან. აუცილებელია უფრო ხანგრძლივი კვლევა, ალცჰაიმერის დაავადების საწყის ეტაპზე, ლეკანემაბის ეფექტურობისა და უსაფრთხოების განსასაზღვრად“, – წერია კვლევის დასკვნაში.
მონაცემებს უკვე აფასებენ მარეგულირებლები აშშ-ში. ისინი მალე გადაწყვეტენ, შეიძლება თუ არა ლეკანემაბის დამტკიცება ფართო გამოყენებისთვის. არსებული ინფორმაციით, წამლის დეველოპერი ფარმაცევტული კომპანიები Eisai (იაპონია) და Biogen (აშშ), მომავალი წელს გეგმავენ წამლის სერტიფიცირების პროცესის დაწყებას სხვა ქვეყნებში.
მსგავსი სტატიები:
“დამთავრდით!”- დავით ნიკურაძე “ოცნებას”
“იმოქმედე” – ბათუმის ქუჩებში წარწერები გამოჩნდა
“88 (დეპუტატი) 2 (პროკურორი) 1 (მოსამართლე), 91 რადიოაქტიური ნაძირალა”
კიდევ რომელ ორ ქვეყანაში შეძლებენ ქართველები ლეგალურად დასაქმებას
წულუკიანი ჟურნალისტებს: თუ რამის თავი გაქვთ, გადააყენეთ მთავრობა, აგერ ვარ და გადამაყენეთ
“მიკროფონს დავაბრუნებ, როცა ესენი, 3 ოქტომბერს ჩაიყრებიან იქ, სადაც მათი ადგილია”
ვირწმუნებთ ზურაბიშვილის სიტყვებს, როდესაც გადადგამს კონკრეტულ ნაბიჯებს ქვეყანაში ტემპერატურის დასაწევად
აუცილებლად დავტოვებ ჩემს სიტყვას სააკაშვილის საქმესთან დაკავშირებით