პრესის თავისუფლება, შეკრების თავისუფლება, სიტყვის თავისუფლება, დამოუკიდებელი სასამართლო – ასე პასუხობს ამერიკელი სენატორი ჯიმ რიში “ამერიკის ხმასთან ” ინტერვიუში, ჟურნალისტის შეკითხვას რა უნდა გააკეთოს საქართველომ კანდიდატის სტატუსის მოსაპოვებლად და ევროინტეგრაციის გზაზე დასაბრუნებლად?
რიში იხსენებს 2012 წლის არჩევნებსა და ხელისუფლების დემოკრატიულად, არჩევნების შედეგად გადაცემის პრეცედენტს და ამბობს, რომ ის იყო თავისუფალი არჩევნები, იმის შემდეგ კი მისივე სიტყვებით, – “იმედგაცრუებულია”:
“მე და ჯინი 2012 წლის ოქტომბრის არჩევნებზე, სახელმწიფო დეპარტამენტის მიერ გაგზავნილი დამკვირვებლები ვიყავით. მაშინ მოქმედი პრეზიდენტი სააკაშვილი დამარცხდა და ივანიშვილმა გაიმარჯვა. საინტერესოა, რომ მეორე დილით ორივეს შევხვდით. უნდა გითხრათ, რომ იმ არჩევნებს ვაკვირდებოდი და წარმოუდგენლად აღფრთოვანებული დავრჩი იმით, თუ როგორ ჩაატარეს ეს არჩევნები. იქიდან წამოვედი ძლიერი განცდებით, რომ საქართველომ გადაშალა ფურცელი და რომ ეს იყო რკინის ფარდის ჩამოშლის შემდეგ, პირველი ნამდვილი, ღია არჩევნები. როცა იქიდან წამოვედით, ძალიან ოპტიმისტურად ვიყავი განწყობილი იმით, თუ საით მიდიოდა ქვეყანა და ეს არა იმის გამო, თუ ვინ დამარცხდა ან ვინ აირჩიეს, არამედ იმის გამო, რომ ეს იყო თავისუფალი არჩევნები. მას შემდეგ იმედგაცრუებული ვარ.
თქვენ მკითხეთ რა უნდა გააკეთონ? ნახეთ… ეს არ არის სარაკეტო მეცნიერება. თუ, მათ სურთ გახდნენ ევროპული ქვეყნების ჯგუფის წევრი, ამისთვის საჭიროა თავისუფალი ხალხი, რომელსაც აქვს წვდომა ისეთ თავისუფლებებზე, როგორიცაა პრესის თავისუფლება, შეკრების თავისუფლება, სიტყვის თავისუფლება…
რაც მთავარია, და, რაც ქვეყანას ძალიან სჭირდება არის დამოუკიდებელი და ძლიერი სასამართლო სისტემა. უნდა გქონდეთ კანონის უზენაესობა, უნდა გქონდეთ დამოუკიდებელი სასამართლო, უნდა გყავდეთ საზოგადოება, რომელიც აკვირდება იმას, რაც ხდება და ამბობს, რომ აი, ნახეთ, ეს არის ჩვენი კანონები, ეს არის სასამართლო, რომელიც მათ იცავს. ასევე, არ უნდა გქონდეთ კორუფცია. და თუ ისინი ამას გააკეთებენ, არავინ იქნება ჩემზე ბედნიერი, რომ ისინი ევროკავშირში გაწევრიანდნენ და დიდ წარმატებას მიაღწიონ.” ამბობს სენატორი რიში.
მსგავსი სტატიები:
“გოგონა წითელ პალტოთში”- ნამდვილი ამბავი
დევნილების დასახმარებლად – ენმ-ს ახალი ინიციატივა
ქართველი აგენტების “დაშიფრული” სიყვარული
“სანქციები ეს მხოლოდ ერთი ინსტრუმენტია…ძალიან იმედგაცრუებულები ვართ” – აშშ-ის ელჩი
10 თვეში ფულადმა გზავნილებმა 1.9 მლრდ დოლარს გადააჭარბა – Top-10 ქვეყანა გადმორიცხვებით
რომელმა მთავრობამ გააკეთა ქალაქისთვის ის, რაც ჩვენ გავაკეთეთ? – კალაძე
“ინფლაცია ნამდვილად დაიწყებს შემცირებას უკვე მარტი-აპრილის თვიდან”
„ვირეშმაკობა“ – რომელ ოპოზიციონერზე წერს გოგა ხაინდრავა