ოზურგეთის მერიის გადაწყვეტილებას, ადმინისტრაციულ შენობაში კაფე-ბარის მშენებლობის შესახებ, ოპოზიციაში ვნებათაღელვა მოჰყვა. ოპოზიციურ ძალაში აცხადებენ, რომ ეს პროექტი ოზურგეთის მერის, ავთანდილ თალაკვაძის მორიგი ახირებაა და ეს მშენებლობა ადგილობრივ ბიუჯეტს მილიონამდე ლარი დაუჯდება. ოპოზიციის განცხადებებს ოზურგეთის მუნიციპალიტეტის მერი, ავთანდილ თალაკვაძე გამოეხმაურა და აღნიშნა, რომ პროექტი კაფე-ბარის კი არა სასადილოს მოწყობას ითვალისწინებს:
“ერთიანი ნაციონალური მოძრაობის” დეპუტატმა გაავრცელა დეზინფორმაცია თითქოს, ოზურგეთის მერი ავთანდილ თალაკვაძე, სამუშაო კაბინეტის თავზე კაფე-რესტორანს იშენებს – ეს სიცრუეა, რა თქმა უნდა არ შეესაბამება სიმართლეს და საზოგადოების შეცდომაში შეყვანას ემსახურება!
არ გვიკვირს, რომ არიან ადამიანები, ვინც ასეთი ცინიკური ტყუილის გავრცელება იკადრეს, თუმცა ჩემდა გასაოცრად, აღმოჩნდნენ ისეთებიც, რომლებმაც დაიჯერეს, რომ შეიძლება ჩემი ოფისის თავზე კაფე ან რესტორანი ავიშენო.
სინამდვილეში პირველად, მრავალი წლის მანძილზე მიმდინარეობს ოზურგეთის მუნიციპალიტეტის ადმინისტრაციული შენობის განახლება, რომელშიც განთავსებულია გურიის მხარის სახელმწიფო რწმუნებულის ადმინისტრაცია, საკრებულო, მერია და მუნიციპალური სამსახურები. პროექტი, სხვა ინფრასტრუქტურასთან ერთად, თანამშრომლებისთვის ითვალისწინებს სასადილოს მოწყობას, რომლითაც ყველა ისარგებლებს. სასადილო არ წარმოადგენს მერის ოფისის ნაწილს და არ მდებარეობს მერის ოფისის თავზე.
ოზურგეთში ახალი პროექტების განხორციელების პარალელურად, რადიკალური ოპოზიცია და მასთან დაკავშირებული მედია ყველანაირად ცდილობს მუნიციპალიტეტის დისკრედიტაციას. ნაცვლად, იმისა რომ თავისი ქალაქის და მუნიციპალიტეტის ინტერესები დაიცვან, თავისი კუთხის პატრიოტები იყვნენ, – “ნაციონალური მოძრაობა” აქაც ოზურგეთის იმიჯის და ღირსების შელახვით არის დაკავებული, რასაც უპასუხოდ არ დავტოვებთ არც ერთ შემთხვევაში.
საკუთარი ქალაქის დაცინვა სამარცხვინოა! საკუთარი ქალაქის წინააღმდეგ ჩასაფრება სამარცხვინოა!” – აცხადებს თალაკვაძე.
გააზიარეთ და მოიწონეთ სტატია:
მსგავსი სტატიები:
არჩევნების თემასთან დაკავშირებით- იუმორი
რა უპასუხეს ოზურგეთის პოლიციაში 20 წლის გოგოს, რომელსაც თავს უცხო მამაკაცი დაესხა
ოზურგეთში დარღვეული რეგულაციები – მეტადონის პროგრამაში ჩართული ბენეფიციარები დახმარებას ითხოვენ
“დაფასდეს შრომა” – გაფიცვის მერვე დღე “გულისტანში”
“უკიდურესად რთული მდგომარეობაა ჩოხატაურის ყველა სოფელში” – რას წერენ ადგილობრივები
“ოზურგეთში რაფერ ჩევედი? კისრის ტეხით და კინჩხის მიყოლებით… ჰოდა საკრებულოს თავმჯდომარე 53%-ით იმატებს ხელფასს”
ინფორმაცია ბახვი 2 ჰესის გზშ-ს ანგარიშის წარდგენის შესახებ
ოზურგეთში ლამაზად შეღებილი ფასადების მიღმა, სადარბაზოები კატასტროფულ მდგომარეობაშია – ბესო ქათამაძე