თურქეთში, ართვინის პროვინციაში მდებარე პატარა ქალაქი იუსუფელი თანდათან ქრება. დასახლება, რომელიც თურქეთის უდიდესი, მსოფლიოში სიდიდით მეხუთე კაშხლის ქვეშ მდებარეობს, წყლით იფარება. კაშხლიდან წყალი გამოდის და ტერიტორია უკვე დაიტბორა. გიგანტური კაშხლის პროექტის მიხედვით, რეგიონში 19 სოფელი და იუსუფელის ცენტრი წყლით დაიფარება.
ქალაქის დატბორილი ნაწილის სანაცვლოდ ააშენეს ახალი უბანი, „ახალი იუსუფელი“, სადაც აქ მცხოვრები მოსახლეობა გადავიდა საცხოვრებლად. კაშხალი ელექტროენერგიის გამომუშავებას 2023 წლის 29 მაისს დაიწყებს.
კაშხალი ოფიციალურად თურქეთის პრეზიდენტმა რეჯებ თაიფ ერდოღანმა 2022 წლის ნოემბერში გახსნა. მან თქვა, რომ იუსუფელებმა დატოვეს სახლები, სადაც დაიბადნენ და გაიზარდნენ, სამუშაო ადგილები და წარსული, რომ ქვეყნის განვითარებისთვის შეეწყოთ ხელი. თურქეთის ყველაზე დიდი და მსოფლიოში სიდიდით მეხუთე წყალსაცავი „იუსუფელი“ გასული წლის ნოემბერში გაიხსნა.
წყალსაცავის კაშხლის სიმაღლე 275 მეტრია, რაც ასსართულიანი შენობის სიმაღლეს შეესაბამება. წყლის საერთო მოცულობა 2 მილიარდ 130 მილიონ კუბურ მეტრს შეადგენს. წყალსაცავის მშენებლობა ქალაქ ართვინიდან 70 კილომეტრის დაშორებით 2012 წლიდან მიმდინარეობს. მედიის ცნობით, ახალი ჰესი გამოიმუშავებს 1,9 მილიარდ კვტ/სთ ენერგიას, რაც თურქეთს წლიურ შემოსავალს – 5 მილიარდ ლირას მოუტანს.
წყალმა ასევე დატბორა ეკლესიები და მეჩეთები.
წყარო – tv9news.ge
მსგავსი სტატიები:
“იმედია ბოლოს ვიტყვი რომ ეს ამად ღირდა”
“მელიას ციხეში ყოფნა, სააკაშვილის რუსული თამაშია”
“მოვუწოდებ სახელმწიფოს, პარლამენტის ტერიტორიიდან რადიკალების, სექსუალური ჯგუფების, უნამუსო პოლიტიკოსებისა და ჟურნალისტების ლოკალიზება და გაყვანა მოახდინოს”
მალხაზ მაჩალიკაშვილი დაკავებულია
მიშა და ბიძინა – ორ ლიდერს შორის ფუნდამენტური სხვაობაა
“მეგობრული სალმით” – მიხეილ სააკაშვილი საჯარო მოხელეებს, პოლიციელებს, მასწავლებლებს და სპეცრაზმელებს მიმართავს
ჯაფარიძე ზურაბიშვილის ინიციატივაზე: ხავსს ეჭიდება ყველა, ვინც ფიქრობს, რომ რაიმე გამოვა
ვიმედოვნებთ, მალე შემოგვიერთდება მოლდოვა, ყაზახეთი, უბედური უკრაინა, ასევე საქართველო… – რუსი დეკანოზი