უკრაინის საგარეო საქმეთა მინისტრის, დმიტრო კულებას თქმით, განცხადებები მთელი მსოფლიოდან, რომლებიც მოუწოდებენ მოლაპარაკებისკენ, უგულებელყოფენ იმ ფაქტს, რომ რუსეთი არ არის მზად ნამდვილი მშვიდობისთვის.
დმიტრო კულება გერმანულ გამოცემა Die Welt-თან აცხადებს, რომ რუსეთი აგრძელებს სასტიკ თავდასხმებს უკრაინის ქალაქებსა და სოფლებზე, რათა მოკლას მეტი ადამიანი და დაიპყროს უკრაინის მეტი ტერიტორია, რაც კულებას თქმით, არ მიუთითებს მოლაპარაკების, აგრესიის დასრულებისა და უკრაინაში მშვიდობის აღდგენის სურვილზე.
“მთელ მსოფლიოში არ არსებობს ქვეყანა, რომელსაც უკრაინაზე მეტად სურს მშვიდობა, მაგრამ ჩვენ ასევე ვიცით, რომ ნამდვილი მშვიდობა უნდა იყოს სამართლიანი და მდგრადი”, – აღნიშნავს კულება.
მან განმარტა, რომ უკრაინული მხარე სწავლობს წარდგენილ სამშვიდობო წინადადებებს და მიესალმება ყველა ინიციატივას, რომელიც პატივს სცემს უკრაინის ტერიტორიულ მთლიანობას, გაერო-ს წესდებას და გაერო-ს გენერალური ასამბლეის მიერ დამტკიცებულ რეზოლუციებს.
„არც უკრაინისთვის და არც დანარჩენი მსოფლიოთვის არ იქნება ნამდვილი მშვიდობა, თუ რუსეთი არ აგებს სრულ პასუხისმგებლობას ყველა თავის დანაშაულზე, მათ შორის უკრაინის წინააღმდეგ აგრესიაზე და ყველა შემდგომ სამხედრო დანაშაულზე, კაცობრიობის წინააღმდეგ ჩადენილ დანაშაულებზე და გენოციდზე“, – აღნიშნა კულება.
მისი თქმით, ევროპისა და ატლანტიკური უსაფრთხოების მომავალი უკრაინის ბრძოლის ველებზე წყდება.
მსგავსი სტატიები:
ენმ-ის ქუთაისის საარჩევნო შტაბს საღებავები შეასხეს და წარწერები გააკეთეს
“ვერავინ წარმოიდგენდა,ოკუპანტ გავრილოვს გზას იმ კაცის შვილიშვილი გაუთეთრებდა, ვინც ლენინი თბილისში შემოიყვანა”
“მწვანე ალტერნატივა” და “სოციალური სამართლიანობის ცენტრი” რიონის ხეობის მცველებთან თანამშრომლობას წყვეტენ
მაქვს კონკრეტული არჩევანი – კალაძე და მელია… მე ვხაზავ ოპოზიციას – მარგველაშვილი
ჩარკვიანი: ზურაბიშვილის გამოსვლიდან რამდენიმე ნოტი დავიჭირე და ხავსს მოვეჭიდე
უკრაინის დასახმარებლად ოზურგეთში ჰუმანიტარული ტვირთის შეგროვება დაიწყო
უკრაინაში ომის შესახებ “სიცრუის” გამოქვეყნების გამო, რუსეთმა Wikipedia-ს კანონდამრღვევი უწოდა
“” უძაღლო ქვეყანაში კატებს აყეფებდნენო”…..21-ე საუკუნის საქართველო” “ნაკომუნისტარ”….”ნამხედრიონელ”…..”ნაგვარდიელერ”….”ნანაცარ”….”ნაქოცარ”…..ნახიშტრებმა არ უნდა ააშენონ….