ნებისმიერი მერყეობა კანდიდატის სტატუსის მონიჭებასთან დაკავშირებით, ააქტიურებს არაკეთილმოსურნე ძალებს – თალაკვაძე

კიდევ ერთხელ მივმართავ ჩვენს ევროპელ კოლეგებს, რომ მიიღონ გადაწყვეტილება, რომელსაც საქართველო იმსახურებს , – ამის შესახებ „ქართული ოცნების” ერთ-ერთმა ლიდერმა, არჩილ თალაკვაძემ გერმანიის ბუნდესტაგის დელელგაციის წევრებთან არაფორმალური შეხვედრის შემდეგ მედიასთან განაცხადა.

მისივე თქმით, ნებისმიერი დაყოვნება და მერყეობა კანდიდატის სტატუსის მონიჭებასთან დაკავშირებით, საქართველოს არაკეთილმოსურნე ძალებს ააქტიურებს.

„მე მინდა ვთქვა, რომ როდესაც საქართველო ელოდება სამართლიანად კანდიდატის სტატუსს, ნებისმიერი დაყოვნება და მერყეობა კანდიდატის სტატუსის მონიჭებასთან დაკავშირებით, ააქტიურებს საქართველოს არაკეთილმოსურნე ძალებს, ამიტომ კიდევ ერთხელ მივმართავ ჩვენს ევროპელ კოლეგებს, რომ მიიღონ გადაწყვეტილება, რომელსაც საქართველო იმსახურებს. ჩვენ ჩვენის მხრივ საზოგადოებას ვაძლევთ პირობას, რომ ხელისუფლება გააკეთებს ყველაფერს, რომ საქართველოს უსაფრთხოება, მშვიდობა იყოს დაცული მომავალშიც”, – განაცხადა თალაკვაძემ.

მისივე განცხადებით, ევროკავშირმა უნდა მიიღოს გადაწყვეტილება კანდიდატის სტატუსის მონიჭებაზე და ამას ჩვენი ქვეყანა სამართლიანად იმსახურებს.

„პროგრესი, რომელიც საქართველოს აქვს, სწორედ ჩვენი გუნდის ლიდერობით შესრულდა, საზოგადოება ამაში მხარს გვიჭერდა და რა თქმა უნდა, ბატონი ირაკლი ღარიბაშვილი არის ამ გუნდის ლიდერი, რომელსაც უშუალოდ წვლილი აქვს შეტანილი ამ საქმეში, ევროპულ რეფორმებში და საქართველოს პროგრესში, რომელმაც ჩვენ დაგვაახლოვა ევროპას, ახლა ჯერი არის ევროკავშირზე და ევროკავშირმა უნდა მიიღოს ეს პოლიტიკური გადაწყვეტილება კანდიდატის სტატუსის მონიჭებაზე, რომელსაც ჩვენი ქვეყანა სამართლიანად იმსახურებს”, – განაცხადა არჩილ თალაკვაძემ.

არჩილ თალაკვაძის განცხადებით, ბუნდესტაგის წევრებთან შეხვედრაზე საუბარი იყო რეფორმებზე, მიღწევებზე და გამოწვევებზე, რომელიც საქართველოს აქვს.

„გერმანიის ელჩთან გვქონდა მეგობრული შეხვედრა. მან გამართა მიღება იმასთან დაკავშირებით, რომ საქართველოში იმყოფებიან გერმანიის ბუნდესტაგის წევრები, საგარეო საქმეთა კომიტეტის თავმჯდომარე და მოადგილე. დღეს ჩვენთვის ძალზედ მნიშვნელოვანია, რომ საქართველო იყოს ევროპულ დღის წესრიგში პრიორიტეტულ საკითხად და ასევე მნიშვნელოვანი გადაწყვეტილების მიღებამდე, რომელსაც განიხილავს ევროკავშირი, მაქსიმალური ყურადღება და მაქსიმალური მხარდაჭერა მიიღოს ჩვენმა ქვეყანამ.

ჩვენ გვქონდა საშუალება გვესაუბრა ბუნდესტაგის წევრებთან რეფორმებზე, მიღწევებზე, გამოწვევებზე, რომელიც აქვს საქართველოს და ასევე, მადლობა გადავუხადეთ გერმანიის სახელმწიფოს წარმომადგენლებს ის ძლიერი მხარდაჭერისთვის, რომელიც ათწლეულების განმავლობაში აქვს საქართველოს”, – განაცხადა არჩილ თალაკვაძემ.

გააზიარეთ და მოიწონეთ სტატია:

მსგავსი სტატიები:

თქვენ არაფერს აკეთებთ, აქანა?!-რა ამბავს იხსენებს ჯემალ ჭკუასელი? ოზურგეთში სუპერმარკეტ “მოდერნის” დაყაჩაღებისთვის ერთი პირი დააკავეს ეს დღე ჩვენია-26 მაისი საქართველოს და,მოუკიდებლობის დღეა თეატრისა და კინოს მსახიობი მარინა ჯანაშია გარდაიცვალა “მრჩება შთაბეჭდილება, რომ ჩემ შვილს პირდაპირი მნიშვნელობით კლავენ”-მიხეილ სააკაშვილის მამა 81 მომხრე 7 წინააღმდეგი – პარლამენტმა სახელმწიფო ინსპექტორის სამსახურის გაუქმებას მხარი დაუჭირა დედამიწისკენ ორი “პოტენციურად საშიში” ასტეროიდი მოფრინავს “III მსოფლიო ომი მხოლოდ ბირთვული შეიძლება იყოს… თუ ჩვენს წინააღმდეგ რეალური ომი დაიწყება…“ – ლავროვი