სახელმწიფო აუდიტის სამსახურის ინფორმაციით, ჯანდაცვის სამინისტროსა და რეგულირების სააგენტოს მიერ დამოუკიდებელი საექიმო საქმიანობის უფლების მოპოვების მექანიზმები ნაკლოვანებებს შეიცავს.
როგორც BNP წერს, აუდიტის თანახმად, საკვალიფიკაციო და სასერტიფიკაციო ტესტები სისტემურად არ ხორციელდება, ტესტების უმეტესობა 2001 წლიდან განახლებულია მხოლოდ 4-ჯერ, ხოლო გარკვეული სპეციალობების ფარგლებში ცვლილებები არ მიუღიათ.
“გამოცდის მონაწილემ უნდა დააგროვოს სწორი პასუხების, მინიმუმ, 75.5% იმისთვის, რომ გამოცდა ჩაითვალოს ჩაბარებულად. ამასთანავე, სასერტიფიკაციო გამოცდა ტარდება მხოლოდ ტესტებით, სადაც მითითებულია ოთხი სავარაუდო პასუხი და არ ხდება გამოსაცდელის პრაქტიკული უნარ-ჩვევების შეფასება.
გამოკითხული სპეციალობის მაძიებლების 46% მიუთითებს, რომ დიპლომისშემდგომი სწავლების მეთოდები არარელევანტურია მომავალი საექიმო საქმიანობისათვის სათანადო ცოდნის მისაღებად, ხოლო 44%-ის აზრით, მიღებული ცოდნა არასაკმარისია პაციენტებთან დამოუკიდებელი მომსახურების გაწევისათვის.
2014-2019 წლებში დიპლომისშემდგომი სამედიცინო განათლების პროგრამების განმახორციელებელმა სასწავლო დაწესებულებებმა, ჯამში − 343 აკრედიტებული პროგრამიდან, 17%-ის შემთხვევაში ნაწილობრივ, ხოლო 65%-ის შემთხვევაში, არ წარმოადგინეს ყოველწლიური თვითშეფასების ანგარიშები. რეგულირების სააგენტოს აღნიშნული სასწავლებლები არ შეუმოწმებია” – აღნიშნულია აუდიტის დასკვნაში.
ამასთანავე, საგამოცდო ტესტების სრული რაოდენობის 75-80% ნებისმიერი მსურველისათვის გამოცდის თარიღამდეა ხელმისაწვდომი.
მსგავსი სტატიები:
“ღარიბაშვილის პირველი ქეისი მელიას დაჭერის ვალდებულებაა”
გიგი უგულავა „სინოფარმით“ აიცრა
ავარიას 35 წლის მოტომრბოლელი ემსხვერპლა
“მდგომარეობა არადამაკმაყოფილებელია… დაემატა ანემია და რამდენიმე ახალი პრობლემა” -ნიკოლოზ ყიფშიძე მიხეილ სააკაშვილზე
მარიონეტები “გმირებად” ვერ იქცევიან, ძალიან ბევრი აქვთ “ნაჭამი” რომ ეს შეძლონ – ჩარკვიანი გახარიაზე
”თქვენ გიწვდიან ხელს, რომ ჭაობიდან ამოხვიდეთ, თქვენ ეუბნებით, რომ არა, ჩვენი ბუნებრივი მდგომარეობა ჭაობია” – ახვლედიანი ხელისუფლებას
“ქართულმა ოცნებამ” პრაქტიკულად შეუძლებელი შეძელო – თეა წულუკიანი
მთელი წლის განმავლობაში ფრონტის არცერთ მონაკვეთზე რუსებს წინსვლა პრაქტიკულად არ ჰქონიათ – საერთაშორისო მიმოხილვა წლის შეჯამება