კრასნოდარის სამხარეო სასამართლომ ზაქარია (შაქრო) კალაშოვის საპატიმროდან ვადამდე გათავისუფლების შუამდგომლობა დააკმაყოფილა. ინფორმაციას სასამართლოს პრესსამსახური ავრცელებს.
“სასამართლომ დააკმაყოფილა კალაშოვის მოთხოვნა პირობით ვადამდე გათავისუფლების შესახებ. სასამართლო სხდომა დღეს დახურულ რეჟიმში გაიმართა”. – აღნიშნულია განცხადებაში.
ზაქარია კალაშოვი, მეტსახელად შაქრო მალადოი, 2016 წელს დააკავეს. 2018 წელს კი მოსკოვის სასამართლომ დიდი ოდენობით თანხის გამოძალვაში დამნაშავედ ცნო და 9 წლით და 10 თვით პატიმრობა მიუსაჯა.
თბილისში დაბადებული ე.წ. კანონიერი ქურდი დამნაშავედ ცნეს მოსკოვში მდებარე რესტორნის, Elements-ის მფლობელისთვის 8 მილიონი რუბლის გამოძალვაში. ამავე საქმეზე კალაშოვთან ერთად დააკავეს ანდრეი კოჩუიკოვი, იგივე იტალიელი, რომელსაც 8 და 10 თვე მიესაჯა.
შაქრო კალაშოვი 2008 წელს ესპანეთში ფულის გათეთრების ბრალდებით დააკავეს. საქართველო მის გადმოცემას ითხოვდა, რადგან საქართველოში კალაშოვს მკვლელობის ბრალდებით, დაუსწრებლად 18-წლიანი პატიმრობა აქვს მისჯილი. ესპანეთში პატიმრობის მოხდის შემდეგ, 2014 წელს იგი რუსეთში დაბრუნდა, სადაც ე.წ. კრიმინალური სამყაროს ლიდერი გახდა.
მსგავსი სტატიები:
“უნდა გვახსოვდეს: გიორგი რურუა პოლიტპატიმარია!”-ნიკა გვარამია
საქართველოს ქალთა ნაკრებმა აზერბაიჯანი დაამარცხა
გურული: როდესაც სტერილურ დეგენერატებს ჩააბარებ ქვეყანას, ერთხელაც არ გაგიმართლებს
“არ შეასრულოთ დანაშაულებრივი დავალებები, ნუ გახდებით კრემლის იარაღი” – შეიარაღებული ძალების კაპიტნის მიმართვა
“მანამ იქნებიან დევნილები, სანამ აფხაზეთი არ დაგვიბრუნდება, სულ რომ რამოდენიმე თაობა დაჭირდეს, გასაგებია?” – გიორგი ფოფხაძე
“მიშა რომ ახლა ციხეშია არ მიგაჩნიათ ისტორიულ უსამართლობად?…რატომ არ შეგიძლიათ თქვათ, რომ მიშა ციხეში არ უნდა იჯდეს…იქნებ ახლა მოვიქცეთ ისე, როგორც პუტინს არ მოეწონებოდა…გთხოვთ, იფიქრეთ ამაზე”-ჟორჟლიანი
“ცხვარიჭამიაში მკვლელობის საქმეზე ნებისმიერი დაკავებულის მიმართ საკმარისი მტკიცებულებები არსებობს” – პროკურორი
„კლინიკა „ვივამედში“ ამორალური და არაექიმური ბრიფინგი ჩატარდა“ – ნიკოლოზ სააკაშვილი