სახალხო დამცველი სამართალდამცავებს მოუწოდებს არ გასცდნენ კანონმდებლობის, ხოლო აქციის მონაწილეებს – მშვიდობიანი შეკრების ფარგლებს

სახალხო დამცველი პარლამენტთან და მთავრობის ადმინისტრაციასთან მიმდინარე აქციაზე განვითარებულ მოვლენებს სპეციალური განცხადებით ეხმაურება, რომელსაც უცვლელად გთავაზობთ:

“აქციაზე მოვლენები პერიოდულად იძაბება, რა დროსაც სამართალდამცავები იყენებენ სპეციალურ საშუალებებს, მათ შორის რამდენჯერმე გამოიყენეს ე.წ. წიწაკის სპრეი. ასევე, ვრცელდება ჩანაწერები სამართალდამცავთა მხრიდან შესაძლო ძალის გადამეტების ფაქტებზე. ასევე, ვრცელდება ინფორმაცია ჟურნალისტების დაშავების თაობაზე.

ამ ეტაპისთვის ხელმისაწვდომი ინფორმაციის საფუძველზე და პირველადი შეფასებით, სახალხო დამცველი  აღნიშნავს, რომ სამართალდამცავთა მხრიდან ნებისმიერი სახის ძალისა თუ სპეციალური საშუალების გამოყენება უნდა აკმაყოფილებდეს აუცილებლობისა და პროპორციულობის მკაცრ ტესტს, დაუშვებელია სპეციალური საშუალებების (მათ შორის, ე.წ.)წიწაკის სპრეის) დამიზნებით სახეში გამოყენება. ნებისმიერი სპეციალური საშუალებების გამოყენებას წინ უნდა უძღოდეს გაფრთხილება.  პროტესტის მონაწილეებს უნდა მიეცეთ გონივრული ვადა პოლიციელთა კანონიერი მოთხოვნის შესასრულებლად. ასევე, მნიშვნელოვანია ჟურნალისტებს არ შეეშალოთ ხელი საქმიანობაში და უზრუნველყოფილი იყოს მათი უსაფრთხოება.

საქართველოს სახალხო დამცველი მოუწოდებს სამართალდამცავ ორგანოებს უფლებამოსილების განხორციელებისას არ გასცდნენ კანონმდებლობის ფარგლებს, არ გამოიყენონ ძალა შეკრების მშვიდობიანი მონაწილეებს მიმართ და არ შეუშალონ ხელი აქციის მონაწილეებს კონსტიტუციით გარანტირებული უფლებით სარგებლობაში.

ამავე დროს სახალხო დამცველი მოუწოდებს აქციის ორგანიზატორებსა და მონაწილეებს, არ გასცდნენ მშვიდობიანი შეკრების ფარგლებს.
ასევე სახალხო დამცველი მიმართავს სპეციალურ საგამოძიებო სამსახურს, შეისწავლოს ძალის გადამეტების ფაქტები და შედეგების თაობაზე მოახდინოს საზოგადოების ინფორმირება.” ნათქვამია განცხადებაში. 

შეგახსენებთ, სპეცრაზმელები მშვიდობიანი დემონსტრანტების წინააღმდეგ იყენებენ ცრემლსადენ გაზს, სცემენ მათ და დამიზნებით ესვრიან რეზინის ტყვიებს.

გააზიარეთ და მოიწონეთ სტატია:

მსგავსი სტატიები:

კორონავირუსის 569 ახალი შემთხვევიდან 207 – აჭარაში, 168 – თბილისში, 117 – იმერეთში დაფიქსირდა მოვუწოდებ პარლამენტს, არ მიიღოს მანდატების გაუქმრბის გადაწყვეტილება- პრეზიდენტი “არასდროს, არავისგან არაფერი გეწყინოთ, რადგან”… “არ დავაბრუნებ” – თეა წულუკიანმა “მთავარი არხის” ჟურნალისტს მიკროფონი წაართვა ევროპის საბჭოს კონგრესსა და ოზურგეთის მუნიციპალიტეტს შორის ურთიერთთანამშრომლობის მემორანდუმი გაფორმდა მაისიდან პურის ფასი 20 თეთრით გაიზრდება ჩხაკოურაში ახალი სკოლა გაიხსნა ბახვი ჰესმა, ორგანიზაციას „ქალები მომავლისთვის, ჩხაკაურას თემი“ საჩუქრად კომპიუტერული ტექნიკა გადასცა