რუსეთში ცნობილი მოჭადრაკის, მსოფლიო ჩემპიონისა და ოპოზიციონერი პოლიტიკოსის, გარი კასპაროვის წინააღმდეგ შეძლება სისხლის სამართლის საქმე აღძრან, რადგან ის ე.წ. უცხოელი აგენტის ვალდებულებებს არ ასრულებს.
ამის შესახებ რუსულ პროპაგანდისტულ გამოცემას, ТАСС-ს სამართალდამცავმა ორგანოებმა მიაწოდეს ინფორმაცია.
“კასპაროვს სისხლის სამართლის საქმე რუსეთის ფედერაციის სისხლის სამართლის კოდექსის 330.1-ე მუხლით ემუქრება (უცხოეთის აგენტების შესახებ რუსეთის ფედერაციის კანონმდებლობით გათვალისწინებული ვალდებულებების შესრულებებისთვის თავის არიდება). ამჟამად ამისთვის ყველანაირი საფუძველი არსებობს”. – უთხრა სამართალდამცავი ორგანოს წარმომადგენელმა გამოცემას.
სისხლის სამართლის საქმის აღძვრის შემთხვევაში, კასპაროვს ორ წლამდე თავისუფლების აღკვეთა ან ჯარიმა ემუქრება.
მანამდე, რუსეთში, სიკტივკარის საქალაქო სასამართლომ კასპაროვს, დუმის ყოფილ დეპუტატს, გენადი გუდკოვსა და თავისუფალი რუსეთის ფორუმის თანადამაარსებელს, ივან ტიუტრინს პატიმრობა დაუსწრებლად მიუსაჯა. სასამართლო მათ ტერორისტული საზოგადოების ჩამოყალიბებაში ადანაშაულებს.
6 მარტს რუსეთის ფინანსური მონიტორინგის ფედერალურმა სამსახურმა (Росфинмониторинг) კასპაროვი ტიუტრინთან ერთად ექსტრემისტებისა და ტერორისტების სიაში შეიყვანა.
როგორც კასპაროვი, ისევე ტიუტრინი რუსეთში ე.წ. უცხოელ აგენტებად არიან გამოცხადებულები.
2022 წელს რუსეთის იუსტიციის სამინისტრომ უცხოელ აგენტების სიას ჭადრაკის მსოფლიო ჩემპიონი, გარი კასპაროვი და ბიზნესმენი, მიხაილ ხოდოროვსკი დაამატა.
მსგავსი სტატიები:
ცნობილია პრეპარატი, რომელიც კორონავირუსის გადაცემას 24 საათში ბლოკავს
“ვაქცინა აუცილებელია, ჩვენ ამაზე არც უნდა ვდაობდეთ”-
მოსახლეობა მამა ნაუმის მიწის მიტაცებაში ადანაშაულებს – “არ მაინტერესებს მოსახლეობა რას ამბობს”
ქვეყნები, საიდანაც ჟანგბადს ვყიდულობთ
ua-football: დღე, როდესაც ხვიჩამ ზლატანი დაჩრდილა
თუ კოზაკი ხარ – გაიჭყლიტები! – გიორგი თარგამაძის ედიტორიალი
დღეს საქალაქო სასამართლოში მიხეილ სააკაშვილის მორიგი პროცესი გაიმართება
ყველაზე მეტად თუ სადმე იგრძნობა ხალხის მძიმე მდგომარეობა – ეს ნამდვილად გურიაა – სააკაშვილი