“საქართველოსთან არსებული ყველა პროგრამა გადახედვის პროცესშია” – თეთრი სახლი

თეთრი სახლი ამბობს, რომ საქართველოსთან არსებული ყველა პროგრამა გადახედვის პროცესშია – წერს ჟურნალისტი ალექს რაუფოღლუ. მისი ცნობით, ეს განცხადება აშშ-ის ეროვნული უშიშროების საბჭოს ევროპის მიმართულების უფროსმა დირექტორმა, მაიკლ კარპენტერმა ჟურნალისტებთან გამართულ ბრიფინგზე გააკეთა.

კარპენტერის განცხადებებს რაუფოღლუ  X-ზე ავრცელებს:

“გულწრფელად რომ ვთქვათ, როდესაც ჩვენ ვხედავთ სამოქალაქო საზოგადოების შევიწროებას, როდესაც ვხედავთ მიღებულ კანონებს, რომლებიც საქართველოში ფუნდამენტური თავისუფლებებისთვის სივრცეს ზღუდავს, ეს არ შეესაბამება ღირებულებებს, რომლებიც ნატო-ს ალიანსს საფუძვლად უდევს და გულწრფელად რომ ვთქვათ, ჩვენ არ ვფიქრობთ, რომ თავსებადია ევრო-ატლანტიკურ ინტეგრაციასთან, მათ შორის ევროკავშირთან.

ცხადია, რომ ბოლო რამდენიმე თვის განმავლობაში, სამწუხაროდ, საქართველოს მთავრობა არასწორი მიმართულებით წავიდა ატლანტიკური ინტეგრაციის პერსპექტივის თვალსაზრისით. ჩვენ დიდი ხანია მხარს ვუჭერთ საქართველოს სუვერენიტეტს, ტერიტორიულ მთლიანობას მის საერთაშორისოდ აღიარებულ საზღვრებში. ჩვენ მივიღეთ მონაწილეობა ჟენევის საერთაშორისო დისკუსიების 60-ზე მეტ რაუნდში საქართველოს მხარდასაჭერად. “, – აცხადებს მაიკლ კარპენტერი ჟურნალისტებთან საუბრისას.

შეგახსენებთ, საქართველოსთან ურთიერთობების გადახედვის ფარგლებში აშშ-მა მრავალეროვნული სამხედრო წვრთნა, რომელიც საქართველოში 2016 წლიდან ტარდებოდა და წელსაც 25 ივლისიდან 6 აგვისტომდე პერიოდში უნდა ჩატარებულიყო, განუსაზღვრელი ვადით შეაჩერა

პენტაგონის განცხადებაში ნათქვამია, რომ წვრთნის გაუქმების მიზეზი განპირობებულია ივანიშვილის მთავრობის ცრუ ბრალდებებით შეერთებული შტატებისა და სხვა დასავლური სუბიექტების მიმართ, რომ თითქოს ამერიკას საქართველოში გადატრიალება ან მეორე ფრონტის გახსნა სურს.

გააზიარეთ და მოიწონეთ სტატია:

მსგავსი სტატიები:

“ჩემი ოცნება არის 7 მილიონიანი საქართველო, სადაც თითოეული თქვენგანის ადგილ იქნება”-შეხვედრა ათენში “ნანგრევი რაში მადარდებს, როცა ქრისტეს მოძღვრების აზრზე არაა ხალხი? ესაა მთავარი პრობლემა” რესპუბლიკურ საავადმყოფოში 700 დოზა ვაქცინა გაუფუჭდათ ქაბულის მერიაში ქალებს მუშაობის გაგრძელების უფლებას არ აძლევენ “სასამართლოში მიმდინარე პროცესებზე არანაირი ილუზია არ მაქვს…ვაშლი მსხალი ვერ გახდება…რაც გვაქვს მართლმსაჯულება, ის გვაქვს“-გიული ალასანია რუსეთიდან გაზის იმპორტი 15%-მდე გაიზარდა „ყოველთვიურად 500-500 ლარი მივცეთ, ვინც მეორე შვილს გააჩენს“ – ფრიდონ ინჯიას ინიციატივა ოზურგეთის მერიამ ქალაქში ჩამომავალი მდინარეების კალაპოტების გაწმენდა დაიწყო