რუსულ მედიაში გავრცელებული ცნობებით, ამერიკული ფილმი Brokeback Mountain (კუზიანი მთა) რუსეთის კომუნიკაციების, ინფორმაციული ტექნოლოგიებისა და მასმედიის ზედამხედველობის ფედერალურმა სამსახურმა (როსკომნადზორმა) პირატულ ვებსაიტებზე დაბლოკა. უფრო ადრე ფილმი, LGBT თემატიკის გამო, როსკომნადზორის აკრძალულ ფილმთა სიაში მოხვდა, რის გამოც მისი ჩვენება კინოთეატრებსა და ავტორიზებულ სტრიმინგ საიტებზე აიკრძალა.
2023 წლის იანვარში გავრცელდა ინფორმაცია, რომ რუსეთში LGBT პროპაგანდის აკრძალვის შესახებ კანონის ძალაში შესვლის შემდეგ როსკომნადზორმა მოამზადა იმ ფილმებისა და ტელესერიალების სია, რომლებიც ქვეყანაში აიკრძალებოდა. მათ შორის იყო Brokeback Mountain.
კანონი, რომელიც წიგნებში, რეკლამებში, მედიასა და კინოში LGBT-ის, პედოფილიისა და სქესის შეცვლის “პროპაგანდას” კრძალავს, რუსეთში ძალაში 2022 წლის 5 დეკემბერს შევიდა. ის, თუ რა კრიტერიუმებით განისაზღვრება ამგვარი “პროპაგანდა”, დღემდე განმარტებული არ არის.
ტაივანელი ანგ ლის რეჟისორობით 2005 წელს გადაღებული Brokeback Mountain, რომელიც ორი ქოუბოის სიყვარულის ისტორიას გადმოსცემს, 2006 წლის ოსკარის 78-ე დაჯილდოების ცერემონიაზე 8 ოსკარზე იყო ნომინირებული, რომელთაგანაც 3 მოიგო. ფილმში ცნობილი ამერიკელი მსახიობები, ჰიტ ლეჯერი და ჯეიკ ჯილენჰოლი ოსტატურად გადმოსცემენ ეპოქის წნეხის ქვეშ მოყოლილი ორი ადამიანის განცდებსა და ტკივილს, მათ აკრძალულ სიყვარულსა და უიმედო ურთიერთობას.
მსგავსი სტატიები:
“მშობლებმა არ იციან, ინტერნეტი შეუძინონ შვილებს თუ საკვები”- ლადო აფხაზავა
“მოვუწოდეთ პარლამენტს, რომ შეაჩეროს მოსამართლეების დანიშვნის პროცესი და ვიმედოვნებ, რომ ეს ასე მოხდება”
“„ოცნება“ ქვეყნის განვითარების მუხრუჭია და დროა ჩამოსცილდეს მართვის სადავეებს”-რომან გოცირიძე
პარლამენტს სანდოობა თუ არ აქვს, რას შემოდის დეკანოიძე, მაშინ იდგეს გარეთ – დავითულიანი
“დატოვოს ჩოხატაურის საკრებულო გოჩა ჯიქიამ !” – “ოცნების” სახის კომენტარს, საზოგადოებაში ხმაური მოჰყვა
”ჩვენ, ქართველებს არ გვინდა რუსი ოკუპანტები ჩვენ ქვეყანაში” – ლამარა აბჟანდაძე
„სენაკის რესპუბლიკის“ პრეზიდენტი – არსენ წითლიძე
“გუშინ და დღეს მომიტინგეების მხრიდან ძალადობის ხარისხი იყო მნიშვნელოვნად შემცირებული” – კობახიძე