“საქართველოში ჯერ ისევ საკუთარი შეცდომების აღიარების რესურსი“ – დროებით ოკუპირებული აფხაზეთის ე.წ. საგარეო ოლიგარქის განცხადებაზე

დროებით ოკუპირებული აფხაზეთის ე.წ საგარეო საქმეთა სამინისტრო ოლიგარქი ივანიშვილის გორში გამოსვლას და ოსების წინაშე მობოდიშების მზადყოფნას განცხადებით ეხმაურება. მათი განცხადებით, ის “აფხაზეთის რესპუბლიკას” პირდაპირ არ უკავშირდება და მსგავსი განცხადება, შეიძლება გახდეს მშვიდობიანი არსებობისა და კეთილმეზობლური ურთიერთობისკენ მიმავალი პროცესის დასაწყისი.

“მსგავსი განცხადება, თუ ის გამყარებულია რეალური ნაბიჯებით შერიგებისკენ, დამყარებული წარსულის შეცდომების გადაფასებასა და სამხრეთ ოსეთისა და აფხაზი ხალხის მიმართ მობოდიშებისკენ, პოლიტიკური და ეკონომიკური ზეწოლის მეთოდების უარყოფასა და სამშვიდობო შეთანხმების ხელმოწერაზე, შეიძლება გახდეს პროცესის დასაწყისი, რომელიც მშვიდობიანი არსებობისა და კეთილმეზობლური ურთიერთობებისკენ მიდის”. – ნათქვამია განცხადებაში.

დე-ფაქტო უწყების შეფასებით, ოლიგარქის განცხადება უჩვენებს, რომ „საქართველოში ჯერ ისევ არსებობს შინაგანი გადაფასების და საკუთარი შეცდომების აღიარების რესურსი, როგორც ეს ბევრჯერ ყოფილა ჩვენს ურთიერთობებში“.

ე.წ. საგარეო საქმეთა სამინისტროს მოჰყავს მობოდიშების მაგალითები საბჭოთა წარსულიდან – როდესაც კომუნისტური პარტიის პლენუმზე 1956 წელს სტალინისა და ბერიას „ქმედებები დაგმეს აფხაზეთის მიმართ“ და ედუარდ შევარდნაძის განცხადება 1978 წლის 27 ივნისს საქართველოს კომპარტიის ცენტრალური კომიტეტის XI პლენუმზე, როცა მან თქვა, რომ „აფხაზი ხალხის მიმართ შოვინისტური პოლიტიკა ხორციელდებოდა“.

გააზიარეთ და მოიწონეთ სტატია:

მსგავსი სტატიები:

საქართველოში კორონავირუსის 3 759 ახალი შემთხვევა დაფიქსირდა, გარდაიცვალა 36 მათიკაშვილი – ტყუილის თქმა და ტყუილის ტირაჟირება სააკაშვილის და „ნაციონალური მოძრაობის“ ცნობილი „ჯოკერი ა“ ლარი გამყარებას განაგრძობს – 1 აშშ დოლარის ოფიციალური ღირებულება 3.3770 ლარია გურია – ცხრაჯერ კოცნა “ცხრამარტობას” ფოტორეპორტაჟი – სამოქალაქო აქტივისტებმა ალტინფოს ოფისთან ოზურგეთში აქცია-პერფორმანსი გამართეს „არასდროს მახსენდება, დამპყრობელს ქართველი ასე მშვიდად, უშფოთველად, საზღვრების გახსნით და გაშლილი ხელებით დახვედროდა…“ ოზურგეთელი მკლავჭიდელი ანრი სურმანიძე ევროპის ჩეპნიონია “ივანიშვილი და ევროკავშირში გაწევრიანება სრულიად შეუთავსებელია” – რასა იუნკევიჩიანე თბილისში ვიზიტს აფასებს