„EU-ს წევრობა მხოლოდ საქართველოს დებიძინიზაციის შემდეგ იქნება შესაძლებელი“ – იუკნევიჩიენე

EU-ს წევრობა მხოლოდ საქართველოს დებიძინიზაციის შემდეგ იქნება შესაძლებელი – ამის შესახებ  ევროპარლამენტარმა, რასა იუკნევიჩიენემ ევროპარლამენტის პლენარულ სხდომაზე სიტყვით გამოსვლისას განაცხადა.

მისი თქმით, ევროკავშირის წევრობა ოლიგარქიულ სისტემასთან თავსებადი არ არის.

კორუმპირებული ოლიგარქიული ძალები, კრემლის დახმარებით, ძალაუფლების მოპოვებას ცდილობენ ყველგან პოსტსაბჭოთა სივრცეში. ეს რამდენიმე წლის წინ მოხდა უკრაინაში, მოლდოვაში და ბევრ სხვა ადგილას – საქართველოც არ არის გამონაკლისი.

ევროკავშირმა ცხადად უნდა თქვას, რომ საქართველოში არჩევნები არ იყო დემოკრატიული, ჩვენ მას არ ვცნობთ და ქართულ ოცნებას არ მოუგია. ჩვენ უნდა მოვითხოვოთ დამოუკიდებელი საერთაშორისო გამოძიება.

საქართველოს ევროკავშირის კანდიდატი ქვეყნის სტატუსი უკვე გაიყინა და ეს ასე დარჩება. ჩვენ თავიდან უნდა შევაფასოთ, არის თუ არა საქართველო შესაფერისი უვიზო რეჟიმისთვის. ჩვენ ვეღარ გავამართლებთ ევროკავშირის ორმხრივ ურთიერთობებს საქართველოს სახელმწიფო ინსტიტუტებთან. და მე ყოველივე ამას სევდით ვამბობ.

ქართველი ხალხი უკეთესს იმსახურებს. ისინი მხარს უჭერენ საქართველოს პროევროპულ გზას და სურთ, რომ ევროკავშირმა მათ მხარი დაუჭიროს. ამიერიდან ევროკავშირი ცხადად უნდა ელაპარაკოს ორივეს – ქართველ საზოგადოებასა და ქართულ ოცნებას, რომელმაც მათ არჩევნები მოჰპარა.

ევროკავშირის წევრობა არ არის თავსებადი ოლიგარქიულ სისტემასთან. უფრო მკაფიოდ რომ ვთქვათ, ევროკავშირის წევრობა მხოლოდ ქვეყნის დებიძინიზაციის შემდეგ იქნება შესაძლებელი”, – თქვა ევროპარლამენტარმა.

გააზიარეთ და მოიწონეთ სტატია:

მსგავსი სტატიები:

იგეგმება გურიის ეროვნული პარკის დაარსება ბიძინა ივანიშვილი Bloomberg-ის მილიარდერების სიაში დაბრუნდა “რატომ ვიცრები? იმიტომ, რომ აცრა 10–ჯერ ამცირებს ჩემ დაინფიცირების შანსს…გაიგებ რასაც ვამბობ? – კარგია… ვერ გაიგებ? – მოგს**ვნია პატრონი!” – ირინა სარიშვილი სანამ ადამიანი არ იგრძნობს, რომ პოლიტიკოსი მასზე ზრუნავს, რეჟიმთან ბრძოლაში საკმარისი მოკავშირეები არ გვეყოლება-დეკანოიძე “ერთხელ, ხატი ვლადიმერ პუტინმაც მაჩუქა, შემდეგ კი ავტოგრაფიც გაუკეთა” – “გრიშა ლეპსი” – კრემლში მიღებული არტისტის ცხოვრება ჰყავს თუ არა პუტინს დედა?! – წაშლილი ბიოგრაფია პუტინი სამხრეთ აფრიკაში ბრიკსის სამიტზე ვერ ჩავა, ჰააგის მიერ გაცემული დაპატიმრების ორდენის გამო – ფოფხაძე ივანიშვილი კერძო ფინანსურ ინტერესებს საქართველოს ხალხის ინტერესებზე მაღლა აყენებს – დანიგანი