მწერალთა სახლის თანამშრომლების ნაწილი “ქართული ოცნების” გადაწყვეტილებას ემიჯნება

მწერათლა სახლის თანამშრომლების ნაწილი ივანიშვილის გუნდის გადაწყვეტილებას, შეაჩეროს ევროკავშირთან მოლაპარაკებები გაწევრიანების შესახებ, ემიჯნება.

განცხადების 5 ხელმომწერი წერს, რომ “საქართველოს ევროპული მომავალი არის შეუქცევადი და მისი დარღვევა სახელმწიფოებრივი დანაშაულია და მიმართულია ქვეყნის დამოუკიდებლობის წინააღმდეგ”.

”თავისი საუკუნოვანი არსებობის განმავლობაში ბევრი რამ ახსოვს მწერალთა სახლს – მწერლების დასმენა, დაპატიმრება, დახვრეტა იშვიათობა არ იყო გასული საუკუნის პირველ ნახევარში.

საბჭოთა მემკვიდრეობის შემდეგ მწერალთა სახლმა შეძლო და ჩამოყალიბდა ისეთ ადგილად, რომელიც ღია იყო ყველასთვის. მწერალთა სახლი ბოლო ათწლეულის მანძილზე ყოველთვის მკაფიოდ გამოხატავდა თავის პოზიციას ქვეყნისთვის მნიშვნელოვან საკითხებზე. მწერალთა სახლი უპირველესად მწერალთა უფლებებისა და სიტყვის თავისუფლების დაცვას უნდა უწყობდეს ხელს.

ბოლო ერთი წლის განმავლობაში მიმდინარე პროცესებმა ბევრი რამ შეცვალა, რის გამოც მწერალთა სახლს ბოიკოტი გამოუცხადეს მწერლების, გამომცემლებისა და მთარგმნელების დიდმა ნაწილმა.

დღეს, როცა ჩვენი ქვეყნისთვის უმნიშვნელოვანესი საკითხი – ევროპულ ოჯახში დაბრუნება, კითხვის ნიშნის ქვეშ დააყენა არსებულმა რეჟიმმა, მწერალთა სახლის უპირველესი მოვალეობა, ლიტერატურული შეხვედრებსა და კონკურსებზე მეტად, მკაფიო პოზიციის გამოხატვაა.

გუშინდელ მშვიდობიან აქციაზე დაარბიეს ჟურნალისტები, ჩვენი მოქალაქეები, დაპატიმრებულია ათობით მშვიდობიანი დემონსტრანტი, მათ შორისაა პოეტი, ზვიად რატიანი.

იმის გამო რომ მწერალთა სახლმა არ გააკეთა არანაირი განცხადება მიმდინარე მოვლენებთან დაკავშირებით, ჩვენ მკაფიოდ ვაფიქსირებთ ჩვენს პოზიციას: საქართველოს ევროპული მომავალი არის შეუქცევადი და კონსტიტუციით განსაზღვრული, მისი დარღვევა სახელმწიფოებრივი დანაშაულია და მიმართულია ქვეყნის დამოუკიდებლობის წინააღმდეგ.

დაუყოვნებლივ უნდა მოხდეს ამ პროცესის შეჩერება და ქვეყანა უნდა დაუბრუნდეს თავის გზას ევროპისკენ. ვგმობთ გუშინდელ მშვიდობიან აქციაზე მოქალაქეებისა და მათ შორის, ზვიად რატიანის დაპატიმრებას და მოვითხოვთ გათავისუფლდნენ მშვიდობიანი პროტესტის მონაწილეები“, – ნათქვამია განცხადებაში.

განცხადებას ხელს აწერენ: ლელა შუბითიძე, ირინე ჭოღოშვილი, ვასო გულეური, ნანა ნიბლაძე, მაგდა ცოცხალაშვილი.

გააზიარეთ და მოიწონეთ სტატია:

მსგავსი სტატიები:

გავიმარჯვეთ, ახლა მთავარია ოპოზიციის ერთობა – მიხეილ სააკაშვილი ეგზიტპოლის შედეგებზე ნიკა მელია გმირია, ივანიშვილი კი დაუკრეფავში გადავიდა- სააკაშვილი “განა ეგ არის ღვთიური სული, რაც ჯერ ეშმაკსაც არ ეკადრება” პარლამენტში უსაფრთხოების საგანგებო რეჟიმი მოქმედებს, რათა მუშაობაში ხელი არ შეგვეშალოს -კუჭავა კობახიძე, რატიანი, თალაკვაძე -“მთავარის” ინფორმაციით, ტიკარაძის შემცვლელად სამი კანდიდატურა განიხილება ”პრეზიდენტ სააკაშვილთან ერთობლივად გადავწყვიტეთ აქ წამოვსულიყავით და გვეჩვენებინა, რომ პრეზიდენტები ვდგავართ უკრაინელი ხალხის გვერდით ” „სერიოზული დაზიანებები არ აღენიშნება“ – ზელენსკი ავარიაში მოყვა “ძვირადღირებული დამოუკიდებლობის დღე” – წულუკიანის უწყება ბაკურ ბაკურაძის კომპანიას მილიონ ლარამდე თანხას გადაუხდის