ვასო აბაშიძის სახელობის ახალი თეატრის დაანონსებულ საპროტესტო მანიფესტამდე 1 დღით ადრე, რეჟისორი დავით დოიაშვილი ხელოვანების მიერ ქუჩიდან ბრძოლის მნიშვნელობაზე საუბრობს.
დავით დოიაშვილი კამერის წინ აცხადებს, რომ 23 იანვარს დაგეგმილი პროტესტი ხელოვანების არჩევანი არ არის, თუმცა რეჟისორი აქვე განმარტავს, რომ ივანიშვილის რეჟიმმა დაკავებულ მსახიობ ანდრო ჭიჭინაძის კოლეგებს სხვა გზა არ დაუტოვა.
“როცა ქვეყანაში შუქი ქრება, მაშინ ინთება სცენა, რისი მომსწრენიც გახდებით ხვალ” – ამბობს ვასო აბაშიძის სახელობის ახალი თეატრის ხელმძღვანელი, რომელიც პროკურატურას დუმილში, ხოლო “ქართულ ოცნებას” იმედის მოკვლაში ადანაშაულებს.
”ეს, რაც ხვალ მოხდება, ჩვენი არჩევანი არ იყო. არტისტისთვის არ თამაში რამდენად ძნელია, ამას ვერ აგიხსნით. როდესაც ანდრო დაიჭირეს, პირველად თამაში შევწყვიტეთ. ეს იყო პირველი გამაფრთხილებელი ნიშანი, რომ მოგვაქციეთ ყურადღება და ეს ბიჭი არ შეიძლება, რომ იყოს დაკავებული. ზუსტად ვიცით, რომ ის უდანაშაულოა. შემდეგ, ვეცადეთ, ხმა მიგვეწვდინა პროკურატურისთვის.
ჩავწერეთ ვიდეოები, მივმართეთ მათ, მაგრამ ამაზეც არანაირი რეაქცია არ ჰქონდათ. შემდეგ დავიწყეთ ხელმოწერების შეგროვება, 2-ათასამდე ხელმოწერა შეგროვდა, თუმცა ესეც არ გაითვალისწინეს. სასამართლომდე ამ ბიჭების გამოშვებას ვითხოვდით, მაგრამ პროკურატურა ისევ დუმს და ხმა არ იღებს.
ჩვენი ვიდეო დაიდო და გავაკეთეთ განცხადება, რომ ხვალ ჩვენი საპროტესტო მანიფესტი იქნება. 18:00 საათზე ყველას გელოდებით, ვისთვისაც თავისუფლება, ანდრო, ამ ქვეყნის ბედია მნიშვნელოვანი.
იმედი ბოლოს კვდება, თუმცა ისეთ სახელმწიფოში ვცხოვრობთ, ყველაფერი ჩააქრეს, მათ შორის, იმედიც. როცა ქვეყანაში შუქი ქრება, მაშინ ინთება სცენა. ამის მომსწრენი გახდებით ხვალ, 18:00 საათზე, ახალი თეატრის წინ”, – ამბობს დავით დოიაშვილი.
ულტიმატუმის ვადა ამოიწურა – ქვეყნაში რეჟიმის წინააღმდეგ ახალი და მასშტაბური პროტესტი იწყება. ავანგარდში ხელოვანები იქნებიან. საპროტესტო ვიდეო – რგოლს “ახალი თეატრი” აქვეყნებს და მოქმედებაზე გადასვლას აანოსნებს.
მსახიობები, რეჟისორები და სფეროს წარმომადგენლები მოქალაქეებს დავით აღმაშენებლის გამზირზე, ზუსტად 18:00 საათზე ელოდებიან, სადაც საზოგადოებას ახალი თეატრის საპროტესტო მანიფესტს გააცნობენ.
მსგავსი სტატიები:
ზურაბ ბატიაშვილი – ამერიკა ისევ ამერიკა იქნება
Silver Islet – სუფთა ვერცხლის კუნძული
“აუცილებლად თვალები უნდა დასთხარო ხალხს, რომ ტელევიზიებმა უწყვეტი ჩართვები გიკეთონ” – ნათელაშვილი
“დუმილი ამ დროს შეუძლებელია, არ შეიძლება სიკვდილის ქრონიკის თანამონაწილეები გავხდეთ” – გია გვარამია სააკაშვილზე
”ლანჩხუთის გურულ “ანტიფოს” საჩივარი შეუტანია ადგილობრივი სამოქალაქო აქტივისტების წინააღმდეგ-გვაბულინგებენო”
ფრიდონ ინჯია გამოდის ინიციატივით, პარლამენტმა შეიმუშაოს კანონპროექტი, რითაც საქართველოს ხელისუფლებას „სხვა სახელმწიფოების ჩარევისგან დაიცავს“
კანონპროექტი პრინციპულად რუსულის იდენტურია – ლაშა ტუღუში
“შევიტანოთ შესწორება და ჩავწეროთ რუსეთი, როგორც ქვეყანა, რომლის წინააღმდეგაც კანონს ვიღებთ“ – თაკო ჩარკვიანი ანრი ოხანაშვილს