“შეიზღუდოს კომუნიკაცია არალეგიტიმურ მთავრობასთან… მოვუწოდებთ EU-ს, დააწესონ სანქციები” – ესტონეთმა ქართველი ხალხის მხარდასაჭერი რეზოლუცია მიიღო

ესტონეთის პარლამენტმა ქართველი ხალხის მხარდასაჭერი რეზოლუცია მიიღო – მის ოფიციალურ ვებგვერდზე გამოქვეყნებული ინფორმაციის თანახმად, ესტონეთის პარლამენტი უარს ამბობს საქართველოს პარლამენტისა და მთავრობის ლეგიტიმურობის აღიარებაზე, რომლებიც მათივე განმარტებით, გაყალბებისა და მოქალაქეების დაშინების ფონზე ჩატარებული არჩევნების შედეგად ჩამოყალიბდა.

ასევე, დოკუმენტით, რომელსაც მხარი 59-მა დეპუტატმა დაუჭირა, ესტონეთი “ქართული ოცნების” მიერ პრეზიდენტად უდიპლომო ყაველაშვილის დანიშვნას არ ცნობს და ლეგიტიმაციას სალომე ზურაბიშვილს ანიჭებს.

ესტონეთის პარლამენტი მოუწოდებს ევროკომისიას და ევროკავშირის წევრ ქვეყნებს, სანქციები დაუწესონ ქართველ პოლიტიკოსებსა და ოფიციალურ პირებს, რომლებიც ჩართულნი არიან მშვიდობიანი დემონსტრანტების წინააღმდეგ ძალადობრივი რეპრესიების განხორციელებაში და საქართველოს სამოქალაქო საზოგადოების წარმომადგენლების დევნაში.

ამასთან, ესტონეთის პარლამენტი მოწოდებით გამოდის, მკვეთრად შეიზღუდოს კომუნიკაცია საქართველოს არალეგიტიმური მთავრობის ინსტიტუტებთან იქამდე, სანამ თავისუფალი და სამართლიანი არჩევნები არ ჩატარდება.

ბოლო ათწლეულის განმავლობაში ესტონეთი დიდი შეშფოთებით ადევნებდა თვალს ქართული საზოგადოების პოლარიზებასა და საქართველოში დემოკრატიულ არჩევნებში რუსეთის გავლენის მქონე აქტივობებს. საქართველოს საპარლამენტო არჩევნების შედეგები, რომელიც გასულ ოქტომბერს ძალადობისა და დაშინების ფონზე ჩატარდა, არ გამოხატავს ქართველი ხალხის თავისუფალ ნებას. “ქართული ოცნება”, რომელიც რუსეთის ფედერაციის მხარდაჭერით სარგებლობს, თაღლითური არჩევნების შედეგებს იყენებს სახელმწიფო ინსტიტუტებზე სრული კონტროლის მოსაპოვებლად და ოპოზიციისა და სამოქალაქო საზოგადოების რეპრესირებისთვის…

ესტონეთის პარლამენტი სოლიდარობას უცხადებს ქართველ ერს, რომელიც  ადამიანის უფლებებს, კონსტიტუციას, დემოკრატიას და ევროკავშირში საქართველოს მომავალს იცავს“, – ნათქვამია განცხადებაში.

გააზიარეთ და მოიწონეთ სტატია:

მსგავსი სტატიები:

ზურაბ ბატიაშვილი – ამერიკა ისევ ამერიკა იქნება Silver Islet – სუფთა ვერცხლის კუნძული “აუცილებლად თვალები უნდა დასთხარო ხალხს, რომ ტელევიზიებმა უწყვეტი ჩართვები გიკეთონ” – ნათელაშვილი “დუმილი ამ დროს შეუძლებელია, არ შეიძლება სიკვდილის ქრონიკის თანამონაწილეები გავხდეთ” – გია გვარამია სააკაშვილზე ”ლანჩხუთის გურულ “ანტიფოს” საჩივარი შეუტანია ადგილობრივი სამოქალაქო აქტივისტების წინააღმდეგ-გვაბულინგებენო” ფრიდონ ინჯია გამოდის ინიციატივით, პარლამენტმა შეიმუშაოს კანონპროექტი, რითაც საქართველოს ხელისუფლებას „სხვა სახელმწიფოების ჩარევისგან დაიცავს“ კანონპროექტი პრინციპულად რუსულის იდენტურია – ლაშა ტუღუში “შევიტანოთ შესწორება და ჩავწეროთ რუსეთი, როგორც ქვეყანა, რომლის წინააღმდეგაც კანონს ვიღებთ“ – თაკო ჩარკვიანი ანრი ოხანაშვილს