“ოცნებისთვის” გერმანული სანქციები მტკივნეული იქნება – კახა გოგოლაშვილი

“სანქციები მტკივნეული იქნება ნებისმიერ შემთხვევაში” – ასე აფასებს “ტვ პირველის” ეთერში რონდელის ფონდის ევროპული კვლევების ცენტრის დირექტორი, კახა გოგოლაშვილი გერმანიის მიერ “ქართული ოცნების” მაღალჩინოსნებისთვის სანქციების დაწესებას.

კახა გოგოლაშვილი მიიჩნევს, რომ გერმანულ სანქციებს გადამდები ეფექტი ექნება და “ქართული ოცნების” მაღალჩინოსნებს უფრო მძლავრ ფინანსურ სანქციებს სხვა ქვეყნებიც დაუწესებენ.

”ეს ( სანქციები) მტკივნეული იქნება ნებისმიერ შემთხვევაში ამ ადამიანებისთვის, თუმცა ეს არ არის ყველაფერი. ალბათ, წინ ელოდებათ უფრო მძლავრი ფინანსური სანქციები. ვიცით, რომ ევროკავშირში საკმაოდ მნიშვნელოვანი პერიოდია, იმიტომ რომ დიდი პრობლემებით არიან დაკავებულები, რაც დაკავშირებულია უკრაინასთან, ნატოს მომავალი და ასე შემდეგ. ამიტომ საქართველო არ არის ყველაზე პრიორიტეტული, მაგრამ ეს არ ნიშნავს, რომ საქართველოს თემა დარჩება ესე ჰაერზე გამოკიდებული. მიღებული გადაწყვეტილება ნიშნავს, რომ ეს საკითხი არა არის დავიწყებული, იმიტომ არ არსი დავიწყებული, რომ ძალიან მებრძოლი ადამიანები იბრძვიან თავისუფლებისთვის და არ აჩერებენ ბრძოლას, რასაც ხედავს ყველა მსოფლიოში”, – ამბობს კახა გოგოლაშვილი.

გერმანიამ “ქართული ოცნების” მაღალჩინოსნებს სანქციები დაუწესა –  გერმანიის საგარეო საქმეთა სამინისტროს ცნობით, ერმანიამ შავ სიაში შეიყვანა ის ჩინოვნიკები, რომლებიც პასუხისმგებლები არიან მშვიდობიანი მოქალაქეების ძალადობრივი გზებით დარბევაზე.

დღეიდან დასანქცირებულ პირებს გერმანიის ტერიტორიაზე შესვლა აეკრძალებათ. ამ დროისთვის უცნობია, კონკრეტულად ვინ მოხვდა სანქციათა სიაში.

გააზიარეთ და მოიწონეთ სტატია:

მსგავსი სტატიები:

“აგრესიაში მხოლოდ აგრესია იბადება..მეტი სიკეთე ვცადოთ, აუცილებლად გამოგვივა!.. “სინოფარმის” და “სინოვაკის” ნახევარი მილიონი დოზა კვირის ბოლოს შემოვა, “ფაიზერის” შემოსვლის თარიღი უცნობია 43 გარდაცვლილი -კორონავირუსის 16 სექტემბრის სტატისტიკა “ოცნების” ოფისთან, პოლიტსაბჭოს პარალელურად აქცია მიმდინარეობს ევროკავშირის მიერ დაფინანსებული პროექტის ფარგლებში ცხადდება სტარტაპ გრანტების კონკურსი ძაღლი, რომელიც დაიკარგა, პოლიციის შენობაში თავისი ფეხით მივიდა მსოფლიო ლიდერებისთვის ჩემი რეკომენდაციაა, ჩადით ისრაელში, მხარი დაუჭირეთ ხალხს – ზელენსკი აუცილებელია გავზარდოთ ქუჩის აქციების მასშტაბი – სააკაშვილი