ჟურნალისტებს კლიმენტ ჟირარდოტის და ჟერომ შობოს საქართველოში შესვლა დაუსაბუთებლად აუკრძალეს – ნათქვამია ორგანიზაცია “რეპორტიორები საზღვრებს გარეშე” (RSF) განცხადებაში.
ორგანიზაცია წერს, რომ გმობს ხელისუფლების უკიდურესად შემაშფოთებელ ტენდენციებს, ხელი შეუშალონ დამოუკიდებელ მედიას მიმდინარე საპროტესტო აქციების გაშუქებაში.
“დღეს ფოტოჟურნალისტმა ჟერომ შობომ სარჩელი შეიტანა საქართველოს საზღვრიდან მისი თვითნებური გაძევების შესახებ – ნაბიჯი, რომელიც კლიმენტ ჟირარდოტის შემთხვევას იმეორებს, რომელსაც ორი თვით ადრე მსგავსი აკრძალვა დაეკისრა. მიუხედავად იმისა, რომ ის საქართველოში ათ წელზე მეტია მუშაობს, ჟირარდოტის 2025 წლის 12 თებერვალს ქვეყანაში შესვლა დაუსაბუთებლად აუკრძალეს. შინაგან საქმეთა სამინისტრომ მისი სააპელაციო საჩივარი უარყო და სასამართლო სხდომა 23 ივნისს არის დაგეგმილი. საქართველოს სახალხო დამცველმა დაგმო სასამართლო პროცესში სერიოზული დარღვევები და ჟურნალისტის ფუნდამენტური უფლებების არაპროპორციული დარღვევა.
ამ ორი ფრანგი ჟურნალისტის, რომლებიც ცნობილები არიან 26 ოქტომბერს ჩატარებული სადავო არჩევნების წინააღმდეგ გამართული საპროტესტო აქციების ადგილზე გაშუქებით, შესვლის აკრძალვა რეპორტიორების დაშინების განზრახ სტრატეგიის ნაწილია.
„რეპორტიორები საზღვრებს გარეშე“ კატეგორიულად გმობს ამ შეურაცხმყოფელ გაძევებებს, მოუწოდებს მმართველ პარტიას, დაიცვას საქართველოს პრესის თავისუფლების ვალდებულებები და მოუწოდებს საფრანგეთს და ევროკავშირს, ზეწოლა მოახდინონ საქართველოს მთავრობაზე.” ნათქვამია განცხადებაში.
მათივე ცნობით, აქამდე, სასაზღვრო აკრძალვები ძირითადად ავტორიტარული სახელმწიფოებიდან, კერძოდ, რუსეთიდან და ბელარუსიდან დევნილ ჟურნალისტებს ეხებოდა – “მმართველმა პარტიამ „ქართულმა ოცნებამ“ ასევე გააძლიერა რეპრესიული კანონმდებლობა, მათ შორის კანონები „უცხოური გავლენის“ შესახებ და ახალი მაუწყებლობის რეგულაციები, რომლებიც კიდევ უფრო საფრთხეს უქმნის ქვეყანაში პრესის თავისუფლებას”.
მსგავსი სტატიები:
როგორ შეიცვალა სამყარო გლობალური დათბობისა და კლიმატის ცვლილების შედეგად
14 აპრილი ქართული ენის დღეა
“ახლა საჭიროა ყოველდღიური აქციები სხვადასხვა ფორმით” – მიხეილ სააკაშვილის ახალი მიმართვა
მის სამყარო ინდოელი ჰარნაზ სანდუ გახდა
ხულოში ბაბუა და სამი წლის შვილიშვილი ტრაქტორით ხევში გადავარდნენ
საქართველოში უკრაინელი ტელეწამყვანი, რომან დრიბნოი არ შემოუშვეს
ოზურგეთის საფეხბურთო კლუბმა „მერცხალმა“ – თერჯოლის „საპოვნელა“ ანგარიშით 7:0 დაამარცხა
თუ საქმე უცებ ცუდად წავა, დარწმუნებული ვარ, ღილაკს თითს დავაჭერთ – კადიროვი