ჩოხატაურში შშმ პირების მშობლებისა და მოზარდებისთვის თერაპიული პროგრამის მესამე ეტაპი იწყება

ჩოხატაურის მუნიციპალიტეტში მცხოვრები შეზღუდული შესაძლებლობების მქონე არასრულწლოვანი პირების მშობლებისთვის და ასევე, განსაკუთრებული საჭიროებების მქონე მოზარდებისთვის სპეციალური თერაპიული პროგრამის მეორე ეტაპი დასრულდა და 2025 წლის მაისიდან მესამე ეტაპი იწყება. პროექტის „ვისწავლოთ, ვიმუშავოთ, ვიმოქმედოთ ერთად” დასკვნითი ღონისძიება ჩოხატაურში გაიმართა, რომლის ფარგლებშიც პროექტის ინიციატორებმა და ორგანიზატორებმა შეაჯამეს გასული წლის საქმიანობა და მესამე ეტაპის დაწყება დააანონსეს.

„მნიშვნელოვანია, რომ პროექტი ვითარდება წლიდან წლამდე. თუ პირველ წელს ამოცანა იყო მშობლებთან კომუნიკაციის დამყარება და მათთვის ისეთი გარემოს შექმნა, სადაც ხმამაღლა ისაუბრებდნენ გამოწვევებზე, მეორე წელს  ჩვენ ვზრუნავდით და ვასწავლიდით ადამიანებს მოქმედებას, ასევე, ვცდილობდით  გვეჩვენებინა განვითარების პერსპექტივები. მესამე წელს, პროექტის ფარგლებშიც გავაგრძელებთ ზრუნვას მშობლების გაძლიერებაზე, პროექტი და ჩვენი თითოეული აქტივობა კვლავ მიმართული იქნება შშმ ბავშვებისთვის მეტი შესაძლებლობების შექმნაზე. დღეს გაცილებით წინ ვართ ვიდრე 2 წლის წინ ვიყავით და გვახარებს ის ფაქტი, რომ ჩვენი მხარდამჭერების თანადგომით ვაგრძელებთ ამ პროექტს კიდევ ერთი წლით“ – აცხადებს არასამთავრობო ორგანიზაციის „ქალები ქალებისთვის“ საზოგადოებასთან ურთიერთობის ხელმძღვანელი მაკა შანიძე.

„ბახვი ჰესის სოციალური პროგრამის ფარგლებში განხორციელებულ პროექტები გამოირჩევა იმით, რომ მდგრადია და მათი განვითარება თანმიმდევრულად ხდება. ვფიქრობთ, ამ ტიპის მიდგომა მსგავსი პროექტების განხორციელებისას იძლევა შედეგს და მოაქვს რეალური ცვლილება. დღეს უკვე, მაგალითებით შეგვიძია მოვყვეთ, თუ რა ხდებოდა პირველ წელს  და სად ვართ დღეს.  შეგვიძლია ვთქვათ, რომ ორგანიზატორებმა და მშობლებმა ერთობლივი მუშაობით და თერაპიებით, შეძლეს და დაამსხვრიეს სტიგმა, შეცვალეს აღქმა და შეხედულება, გაცილებით ძლირები და ბედნიერები არიან დღეს, რადგან გაუჩნდათ მომავლის ხედვა. ასევე, მნიშვნელოვანია ის პარტნიორობა, რომელიც ამ პროექტის ფარგლებში შედგა კერძო სექტორს, არასამთავრობო ორგანიზაციასა და ადგილობრივ თვითმმართველობას შორის. ჩვენ ერთობლივად ვზრუნავთ და ვგულშემატკივრობთ პროექტს და გვახარებს ის ფაქტი, რომ გვაქვს საშუალება კიდევ ერთი წლით გავაგრძელოთ ჩვენი მხადაჭერა“ – განაცხადა ბახვი ჰესის საზოგადოებასთან ურთიერთობის ხელმძღვანელმა, ნიცა ჩოლოყაშვილმა.

მშობელთა კლუბს 13 ახალი მშობელი შემოუერთდა. 2025 წლის პროგრამას 25 აქტიური ბენეფიციარი ეყოლება. 2025 წლის პირველი შეხვედრები კი მაისი თვეში გაიმართება.

საანგარიშო შეხვედრის დასასრულს გაიმართა საბავშვო სპექტაკლი, რომელიც სპეციალური საჭიროებების მქონე ბავშვებმა და მოსწავლე-ახალგაზრდობის სახლის აღსაზრდელებმა ერთად წარადგინეს. ღონისძიებას ბენეფიციარებთან ერთად ესწრებოდნენ ადგილობრივი თვითმმართველობისა და კომპანია ბახვი ჰესის წარმომადგენლები.

გააზიარეთ და მოიწონეთ სტატია:

მსგავსი სტატიები:

თბილისსა და 10 სხვა ქალაქში 1000 მშობლის მარში იმართება საქართველოში კორონავირუსით ინფიცირების 1 409 ახალი შემთხვევა გამოვლინდა, გარდაიცვალა 27 ადამიანი პირადობის ელექტრონულ მოწმობაზე შშმ პირის სტატუსის დატანა უკვე შესაძლებელია – რა დოკუმენტებია საჭირო განაცხადის შესატანად უკრაინის რადას სპიკერი კახა კუჭავას მიხეილ სააკაშვილის სამოქალაქო კლინიკაში დაუყოვნებლივ გადაყვანისკენ მოუწოდებს სახელმწიფო რწმუნებულის გიორგი ურუშაძის ხელმძღვანელობით, სამხარეო – საკონსულტაციო საბჭოს სხდომა გაიმართა $39 570 00-ის გაყიდვის მიუხედავად ლარი დოლართან 0.28 თეთრით, ევროსთან – 5.58 თეთრით გაუფასურდა რა ქენით ამფერი ნაციონალებო! – კახა ჩავლეშვილი მიწისძვრაზე 22 ივლისის მონაცემებით, რუსულ აგრესიას უკრაინაში 496 ბავშვი ემსხვერპლა